15 Mamyr 2019, 19:31 544 0 Bilim Dınara MYŃJASARQYZY

Henkel kompanııasy balalardy qýantqan kún

 Bala – erekshe kóńildi qajet etedi. Bala – jaqyndarynan jylý kútedi. Bala aldynda maqsatqa jeteleıtin adamnyń bolǵanyn qalaıdy. Ol sol úshin de bala. Al balalar úıindegi tárbıelenýshilerdiń kóńilin kim aýlaıdy?

Ótken aptanyń demalys kúninde «Qazaqstandy jasyldandyr» atty akııa aıasynda aǵash egý dástúri jalǵasyn tapty. Bul sharanyń basqa emes, Almaty oblystyq №1 balalar úıinde ótýi balalarǵa qýanysh syılady. Ári túrli kókjıekti keńeıtetin oıyndar oınap, bir sergip qaldy. Máselen, sharany uıymdastyrýshylar balalarǵa búginde álem elderi bet burǵan jasyl ekonomıka týraly jan-jaqty málimet berdi. Bolashaqta bizdiń elimiz de tabıǵatty lastamaıtyn osy joldy tańdaıtynyna senim bildire kele, balalardyń arasynan ekologııanyń taza bolýyn qamtamasyz etetin, qorshaǵan ortany qurmet tutatyn mamandyq ıeleri shyǵýy úshin az da bolsa qyzyǵýshylyqtaryn oıatýǵa tyrysty. Shyn máninde, álemde biz bilmeıtin «jasyl» mamandyq ıeleri qanshama?! Olar qazirdiń ózinde úlken suranysqa ıe. Sondyqtan da tárbıelenýshilerge osy sala jaıly jan-jaqty málimet bergen kásibı arhıtektor ekolqalashyqtardy jobalaý týraly keńinen áńgimelep berdi. Budan keıin balalar úıiniń tárbıelenýshileri men qatysýshylar «Jasyl Almatynyń» maketin ár qyrynan jasap, tanystyrdy. Biri - jasyldanǵan áýejaı salsa, endi biri jasy álemnen syr shertetin saýda úıin turǵyzdy. Taǵy bir jasyl poloıııa beketin usyndy. 5 topqa bólinip, júırik qııaldaryn júgirte bilgen balalar úshin bul erekshe jattyǵý boldy.

Almaty oblystyq №1 balalar úıiniń dırektory Gúlmıra Sansyzbaıqyzy: «Bul akııanyń bizdiń balalar úıinde ótkenine dán rızamyz. Aýlamyzdyń jasylǵa bólengeni bizdi de qýantady. 40 aǵash egildi. Endi ár bala ár aǵashqa at qoıyp alady. Tipti, olarǵa ózderiniń inisi, qaryndasy sııaqty qaraıtynyna senimdimin. Kez kelgen bala bir-birine qamqorlyq jasaýdy osy aǵashty baptaýdan úırenedi», –  deıdi.

«Qazaqstandy jasyldandyr» akııasyn osymen besinshi márte uıymdastyrǵan Henkel kompanııasy sharany Small saýda jelisimen birlesip ótkizip keledi. 8 sáýir men 5 mamyr aralyǵynda Persil, Perwoll,Vernel, Bref, Somat saýda belgisindegi taýardy satyp alǵan jaǵdaıda onyń 50 teńgesi jasyldandyrýdy qoldaýǵa jóneltildi. Henkel kompanııasy uıymdastyrǵan akııanyń arqasynda Almaty, Nur-Sultan, Pavlodar, Taraz qalasynda 1705 aǵash otyrǵyzyldy. Bul qalalarda bıyl taǵy da 150 aǵash egiledi.

Sońǵy jańalyqtar