15 Mamyr, 17:56 756 0 Ádebıet Ahmet ÓMIRZAQ

 USTAZ AQYN – ULAǴATTY TULǴA 

Qarasaı aýdandyq ortalyq kitaphanasynda osy aýdanǵa qarasty Kóliay aýlynyń turǵyny, aqyn Maqsat Álseıitovpen shyǵarmashylyq kezdesý keshi ótti.

Kezdesýge BAQ ókilderi, muǵalimder, kitaphana qyzmetkerleri men mektep oqýshylary qatysyp, ádebıet pen óner, bilim men tárbıe týraly aqynnyń oılaryn tyńdady.

Kezdesýde aqyn Maqsat Álseıitov qatysýshylardyń suraqtaryna jaýap berip, lırıkalyq óleńderin oqydy. Sondaı-aq Qarasaı aýdanyndaǵy Y.Altynsarın, Kóliay orta mektepteriniń oqýshylary aqyn jyrlarynan úzindi oqyp, kesh ıesine qurmet kórsetti.

Kezdesýge qatysqan respýblıkalyq beldi basylymdarda qyzmet atqarǵan belgili jýrnalıst Qalbaı Ádil, Qarasaı aýdandyq «Zaman jarshysy» gazetiniń bas redaktory Atlana Isaeva, t.b. sóz sóılep, aqynnyń shyǵarmashylyǵy týraly oılaryn aıtty.

Kesh sońynda aýdandyq mádenıet úıiniń ónerpazdary óner kórsetip, án men kúıden shashý shashty.

Maqsat Álseıitov 1965 jyly dúnıege kelgen. Joǵary bilimdi ustaz. Jastaıynan ádebıetpen aınalysyp, óleńder, maqalalar jazyp keledi. Sondaı-aq túrli deńgeıdegi aıtysqa qatysyp, júldeli oryndarǵa ıe bolǵan. 2013 jyly Astana qalasynda ótken «Jarqyra, jaına, Astana!» atty jyr múshaırasynda júldeli úshinshi oryn alǵan.

2015 jyly «Atajurt» baspasynan «Jetimsaıdyń boıynda jetim aýyl» atty óleńder men pomalar jınaǵy basylyp shyqty. 

Sońǵy jańalyqtar