15 Mamyr, 16:40 237 0 Sport "Túrkistan" gazetiniń avtorlary

Golovkınniń jańa jattyǵý lageri qaıda?

Abel Sanchesten ketken GGG lagerdi de aýystyrdy. Orta salmaqta burynǵy álem chempıony qazaqstandyq Gennadıı Golovkın (38-1-1, 34 KO) kelesi jekpe-jegine daıyndyǵyn jalǵastyryp jatyr.

Munyń aldynda Abel Sanchesten ketken Golovkın jattyǵý lagerin de aýystyrǵany habarlanǵan. Qazaqstandyq Sanchestiń The Summit zaly ornalasqan Kalıfornııa shtatyndaǵy Big Bear mekeninde qaldy, biraq, basqa oryndy tańdady. ESPN jýrnalısti Stıv Kım jáne Under the Hand Wraps YouTube arnasynyń avtory Golovkınniń jattyǵýyn baryp tamashalady.

GGG qazir úsh salmaqta burynǵy álem chempıony Sheın Mozlıdiń zalynda eken. Golovkın kelesi kezdesýin 8 maýsymda Nıý-Iorkte Madison Square Garden arenasynda kanadalyq Stıv Rollsqa qarsy ótkizedi. Bul jekpe-jek qazaqstandyq úshin jańa bapker Djonatan Bnkstiń jetekshiligimen jáne DAZN platformasy aıasynda debıýttik bolady.

Sońǵy jańalyqtar