15 Mamyr 2019, 16:35 521 0 Ishki saıasat "Túrkistan" gazetiniń avtorlary

Kóp balaly otbasylardyń úılerin jóndep beredi

Elimizdegi kóp balaly otbasylardyń úılerine jóndeý jumystary júrgizilmek. Bul tek jańa telejoba aıasynda júzege asyrylady. Bul týraly Aqparat jáne qoǵamdyq damý mınıstri Dáýren Abaev habarlady.

Mınıstrdiń aıtýynsha, joba memlekettik aqparattyq tapsyryspen respýblıkalyq telearnalardyń birinde kórermenge usynylatyn bolady. Baǵdarlama jelisi boıynsha, elimizdiń kez kelgen óńirinen 24 kóp balaly otbasy tańdalady. Otandyq teleónim arqyly oǵan qatysqan birqatar otbasynyń páteri men úıleri tolyq jańartylady. Oǵan memleket tarapynan 130 mıllıon teńge qarajat bólingen.

Ázirge joba daıyndyq ústinde. Iaǵnı qatysqysy keletin kóp balaly otbasylardan ótinimder qabyldanady. Al telebaǵdarlama 11 tamyzdan bastap kórermenge jol tartady.

«Jyl saıyn kóp balaly otbasylardy qoldaý maqsatynda memlekettik baǵdarlamalar júzege asyrylýda. Aǵymdaǵy jyldyń ózinde ataýly áleýmettik kómekpen qatar 40 myń jaldamaly páter qurylysyna qatysty jańa is-sharalar qolǵa alyndy. Aqparat jáne qoǵamdyq damý mınıstrligi de kóp balaly otbasylarǵa baılanysty bastamalardy qoldaýǵa árdaıym daıyn», dedi Dáýren Abaev.

Sońǵy jańalyqtar