15 Mamyr, 11:55 256 0 Óner TURKYSTAN.KZ

Erjan Maksım Reseıde oqıdy

Reseıdiń «Golos Detı» baıqaýyna qatysyp, kórermen kózaıymyna aınalǵan Erjan Maksım Reseı jerinde bilimin jalǵastyrmaq. Naqtyraq aıtsaq, RF halyq ártisi, kompozıtor ári prodıýser Igor Krýtoı qazaqstandyq jas ánshi Erjan Maksımge óziniń mýzykalyq akademııasyna oqýǵa túsip, bilimin shyńdaýdy usynǵan.

Erjan jýyrda Reseı Federaııasyndaǵy Qazaqstan Respýblıkasynyń Tótenshe jáne Ókiletti elshisi Imanǵalı Tasmaǵambetovtiń qabyldaýynda boldy. Kezdesý barysynda qazaqstandyq jas ánshiniń shyǵarmashylyq jospary talqylanǵan. Erjan «Golos. Detı» jobasyna qatysqannan keıin ómirinde qandaı ózgeris bolǵanyn jáne aldaǵy ýaqytta nemen aınalysýdy josparlap júrgenin aıtty.

Al, Instagram jelisinde E. Maksım: «Dostar, Máskeýge jasaǵan saparym sátti boldy. Nege deısiz ǵoı. Men eń aldymen, elimizdiń aptal azamaty Imanǵalı Nurǵalıulymen kezdestim. Sol kezdesýimizdiń nátıjesi retinde kópten beri armandap júrgen ataqty kompozıtor, prodıýser Igor Krýtoımen tanystym. Stýdııada tyńdaǵan mastro meni unatyp, óziniń mýzykalyq akademııasyna shaqyrdy. Men qýana kelistim. Endi, dostar, kúzden bastap sol jerde vokal baǵyty boıynsha ónerimdi shyńdaıtyn bolamyn. Árıne, munyń barlyǵy Imanǵalı aǵamyzdyń arqasy dep bilemin. Osyndaı azamattardyń arqasynda shyǵarmashylyǵym jalǵasyp, jemisin beretinine senimim mol», – dep jazdy Erjan.

Sońǵy jańalyqtar