14 Mamyr, 14:32 350 0 kologııa "Túrkistan" gazetiniń avtorlary

Elordada 8,6 mln túp gúl egiledi

Nursultan qalasynda  gúl egý naýqany qyzý júrip jatyr. Bıyl 162 288 sharshy metr jerge 8,6 mln túp gúl otyrǵyzý josparlanǵan.

Qalanyń barlyq aýdandary kógaldandyrý jumystaryn bastady.Sonyń ishinde «Almaty» aýdanynda – 50 436, «Esil» aýdanynda – 80 999 sharshy metr, «Saryarqa» aýdanynda –16 155 sharshy metr aýmaqqa gúl otyrǵyzylady.

Qala ákiminiń orynbasary Arman Turlybek: «Aýdan ákimderi merdigerlerdi anyqtaý boıynsha jumysty kúsheıtýi kerek. Sondaı-aq qala aýdandarynyń 30 mamyrǵa deıin gúl egý jumystaryn aıaqtap, barlyq qajetti sharalardy qabyldaýy kerektigin atap ótkim keledi», – dedi ákimdiktegi kezekti otyrysta.

Bıyl gúlderdiń rekordtyq sany egiledi dep josparlanǵan. Arman Turlybektiń aıtýynsha, gúldertiń túp sany 8,6 mıllıon bolady. Josparǵa sáıkes kóktemgi kezeńde qalada 14 myń aǵash otyrǵyzylmaq. Máselen, ótken jyly kóktemde 13 234 tal egildi. Búginge deıin elordanyń barlyq aýdandary 6 688 aǵashty (47%), sondaı-aq butaly qorshaýdyń 1 450 pogondy metrin ekti. Sonymen qatar aýdan basshylaryna shóp shabý jumystaryn uıymdastyrý qajet. «Aýa raıyna baılanysty shóptiń qarqyndy ósýi baıqalady. Osyǵan baılanysty barlyq saıabaqtarda, gúl baqtarynda, jol jıegindegi ýchaskelerde jáne gúlzarlarda alǵashqy shóp shabý sharalary 10 kún ishinde aıaqtalýy kerek», – dedi A.Turlybek

Karymhan Qalı

Sońǵy jańalyqtar