13 Mamyr 2019, 15:49 510 0 Áleýmet Dınara MYŃJASARQYZY

Erjan Maksım «Jas Órken» baıqaýynyń syılyǵymen marapattalady

Erjan Maksım Birinshi Respýblıkalyq "Jas Órken" balalar baıqaýynyń syılyǵymen marapattalady. Bul týraly «Respýblıka-Aımaq-Damý» qoǵamdyq qorynyń prezıdenti Ǵalym Baıtoq Feısbýktegi paraqshasynda habarlady.

Erjan Maksım óner kórsetken «Golos. Detı» shoýyna qatysty daý týyndady «Ózderińiz biletindeı, Erjan Maksım Birinshi Respýblıkalyq "Jas Órken" balalar konkýrsynyń qurmet syılyǵymen ("Prıznanıe goda"!) marapattalady. Buǵan azamattyq qoǵam belsendileri jas darynymyzdy osy marapatqa usynǵan soń qol jetkizip otyrmyz. Aıtpaqshy, Erjan 2019 jylǵy 23 mamyrda Qostanaıda ótetin marapattaý rásiminde án shyrqap berýge sóz berdi» delingen habarlamada.

Bıyl Máskeýdegi «Golos. Detı» baıqaýynda ekinshi oryn alǵan Erjan Maksım osy baıqaýdan soń kópshilikke keńinen tanyldy. Tipti, bul dodada kóptegen reseılikter qazaqstandyq jas ónerpazǵa jankúıer boldy. Osy baıqaýdan soń, ánshini QR Mádenıet jáne sport mınıstri Arystanbek Muhamedıuly qabyldap, oǵan elordadaǵy «Shabyt» óner akademııasy janynan grant bólinetindigin jetkizgen edi.  Aıta keteıik, "Jas Órken" syılyǵy «Jas zertteýshi», «Jas daryn», «Jas tolaǵaı», «Jas patrıot», «Jas ekolog», «Jas qanat», «Jas bıshi», «Jas qalam», «Jas bloger», «Úzdik erikti» «Jas aqyn», «Jas sýretshi», «Jas mýzykant» nomınaııalary boıynsha óz qatarynan ozyp shyqqan balalarǵa beriledi.

Sońǵy jańalyqtar