13 Mamyr 2019, 13:48 500 0 Syrtqy saıasat Dınara MYŃJASARQYZY

EQYU Ózbekstanda táýelsiz saıttardyń qaıta ashylýyn quptaıdy

Eýropadaǵy qaýipsizdik jáne yntymaqtastyq uıymynyń baspasóz erkindigi jónindegi ókili Arlem Dezır Ózbekstanda saıttardyń qaıta ashylýyn jyly qabyldap, quptady. Ol bul máseleni Ózbekstan bıligimen kezdesýde qozǵaǵanyn aıtty.

Ózbekstanda Voice of America ("Amerıka daýysy"), Amerika ovozi, BBC Uzbek, Deutsche Welle, Amnesty International, Human Rights Watch, Reporters sans frontieres, Eurasianet.org, AsiaTerra, Fergana Agency, Centre1, Uzmetronom jáne ózge de sheteldiń jańalyq taratatyn veb-saıttary tolyq ashylyp, jumys istep tur.

Azattyqtyń Ózbek qyzmetiniń saıty - Ozodlık radıosy "qaıta ashylǵan" resýrstar tiziminde bolmady.

EQYU ókili Arlem Dezır jaqyn arada Ózbekstanda Azattyqtyń Ózbek qyzmeti saıtynyń da ashylatynyna úmit bildirdi.

Ózbekstan prezıdenti ákimshiligi janyndaǵy aqparat jáne qoǵamdyq kommýnıkaııa agenttiginiń dırektory Komıl Allamjonov Facebook-taǵy paraqshasynda bul saıttardyń "tehnıkalyq aqaýlarǵa" baılanysty jabyq bolǵanyn jazdy.

"Zertteý qorytyndysy boıynsha Ózbekstanda atalǵan veb-resýrstardyń tolyq jumys isteýine kedergi jasaǵan belgili bir tehnıkalyq aqaýlar anyqtaldy jáne olardy joıý boıynsha qajetti sharalar qoldanyldy", - dep atap ótken sheneýnik.

Joǵaryda atalǵan saıttar Ózbekstan aýmaǵynda 2005 jyly mamyr aıynda bolǵan Ándijan oqıǵasynan keıin jabylǵan. 2005 jyly 13 mamyrda Ándijan qalasynda alańǵa shyqqan jurtqa Ózbekstan polıııasy oq jaýdyryp, resmı derek boıynsha 187 adam qaza tapty. Quqyq qorǵaý uıymdary men oqıǵa kýágerleri qaza tapqandardyń sany odan da kóp ekenin aıtady.

 

Sońǵy jańalyqtar