13 Mamyr, 11:42 337 0 Bilim Dınara MYŃJASARQYZY

UBT-ǵa qatysýǵa qujattardy qabyldaý aıaqtaldy

10 mamyrda Ulttyq biryńǵaı testileýge qatysýǵa ótinishterdi qabyldaý aıaqtaldy. Bul týraly Ulttyq testileý ortalyǵynyń resmı saıtynda habarlandy. Aqparatqa sáıkes, 1 sáýir men 10 mamyr aralyǵynda UBT-ǵa ótinimder kelesi qatysýshylardan qabyldandy:  

-         qalaýy boıynsha respýblıkalyq bıýdjet nemese jergilikti bıýdjet qarajaty esebinen bilim grantyn berý konkýrsyna qatysý úshin nemese JOO-ǵa aqyly negizde oqýǵa qabyldaný úshin nemese respýblıkalyq bıýdjet qarajaty esebinen memlekettik bilim berý tapsyrysy boıynsha oqý úshin orta bilim berý uıymdarynyń aǵymdaǵy jylǵy bitirýshilerinen; -         respýblıkalyq bıýdjet nemese jergilikti bıýdjet qarajaty esebinen bilim grantyn berý konkýrsyna qatysý nemese JOO-ǵa aqyly negizde oqýǵa qabyldaný úshin orta bilim berý uıymdarynyń ótken jylǵy bitirýshileri men tehnıkalyq jáne kásiptik nemese orta bilimnen keıingi bilim berý uıymdarynyń bitirýshilerinen;

-         respýblıkalyq bıýdjet nemese jergilikti bıýdjet qarajaty esebinen bilim grantyn berý konkýrsyna qatysý úshin joǵary bilimniń qysqartylǵan oqytý merzimderin kózdeıtin bilim berý baǵdarlamalary boıynsha oqýǵa túsetin tehnıkalyq jáne kásiptik nemese orta bilimnen keıingi bilim uıymdarynyń bitirýshilerinen. Ulttyq testileý ortalyǵynyń málimetinshe, 10 mamyr men 5 maýsym aralyǵynda UBT-ǵa ótinishter qabyldaý jalǵasady. Biraq qujattardy kelesi sanattaǵy bitirýshiler ǵana tapsyra alady:

-         respýblıkalyq bıýdjet nemese jergilikti bıýdjet qarajaty esebinen bilim grantyn berý konkýrsyna qatysý úshin nemese JOO-ǵa aqyly negizde oqýǵa qabyldaný úshin halyqaralyq almasý jelisi boıynsha shetelde bilim alǵan orta bilim berý uıymdarynyń bitirýshileri men shetelde bilim alǵan, Qazaqstan Respýblıkasynyń azamaty bolyp tabylmaıtyn, ulty qazaq azamattar.

Aıta keteıik, UBT 2019 jylǵy 20 maýsym men 5 shilde aralyǵynda ótedi. Maýsym aıyndaǵy UBT sertıfıkaty bilim berý grantyn berý konkýrsyna qatysýǵa nemese joǵary oqý ornyna aqyly negizde qabyldanýǵa múmkindik beredi. Ótinishter UBT ótkizý pýnktterinde jáne jelilik joǵary oqý oryndarynda qabyldanady. Aǵylshyn tilin meńgergendigin rastaıtyn halyqaralyq sertıfıkattary bar tulǵalar «Shet tili (aǵylshyn tili)» páni boıynsha UBT-dan bosatylady. «2019 jyldan bastap bilim granttary bilim berý baǵdarlamalarynyń toptary boıynsha beriletin bolady. Bilim berý baǵdarlamalarynyń tobyna birneshe baǵdarlama kiredi. Joǵary oqý ornyna qabyldaý kezinde oqýǵa túsýshiler odan ári oqý úshin naqty bilim berý baǵdarlamasyn tańdaıdy. Túsýshilerdiń bilim berý granttaryn berý konkýrsy kezinde beıindik pánderi sáıkes kelgen jaǵdaıda 4 bilim baǵdarlamasy toptaryna deıin tańdaýǵa múmkindigi bar», - delingen ortalyq málimetinde. Buǵan deıin habarlaǵanymyzdaı, bıyldan bastap bitirýshiler JOO-ǵa aqyly negizde túsý úshin UBT-ny jylyna 4 ret (qańtar, naýryz, maýsym, tamyz) tapsyra aldy. Al grant boıynsha bilim alý úshin aldaǵy maýsym aıyndaǵy UBT-ǵa qatysý qajet.

Sońǵy jańalyqtar