10 Mamyr 2019, 16:21 630 0 Qoǵam "Túrkistan" gazetiniń avtorlary

O zaman da, bu zaman, velosıpedshi men shańǵyshynyń ushqanyn kórgen joqpyz

Baqytbek Smaǵul,
QR Parlament Májilisiniń depýtaty:

Ókinishke qaraı, respýblıkamyzdyń eń tańdaýly pedagog mamandary, ustazdar men ádiskerlerden quralǵan bilikti komıssııa tańdaǵan keıbir oqýlyqtar ótpeı qalyp jatady. Dálel retinde birneshe mysal kelitire keteıin. «Mektep» baspasynan shyqqan 7-synyptyń fızıka páni oqýlyǵynyń avtorlary – Toqbergenova men Krongarttyń orys jáne qazaq tilderindegi oqýlyqtarynda kóptegen mátindik sáıkespeýshilikter kezdesedi. Mysaly, qazaq tilindegi oqýlyqtyń 109-betindegi jattyǵýda «bala báteńkesi tabanynyń aýdany» dep berilýi kerek mátin «bala báteńkesiniń aýdany» dep berilgen. 120-bette atmosferalyq qysym taqyrybyndaǵy 4-37 sýrette kórsetilgen tájirıbeniń túsiniktemesinde «kolbadaǵy azdap jeńildeıdi» dep jazylýy kerek sóılemniń ornyna «kolbadaǵy azdap aýyrlaıdy» dep jazylǵan.

«Almaty» baspasynan shyqqan matematıkadan qazaq tilindegi oqýlyqta da qateler az emes. Ulttyq valıýtany «teńge» dep jazýdyń ornyna «KZ» dep kórsete salǵan. «Sosyn bir esepte «shańǵyshy men velosıpedshiniń ushý jyldamdyǵyn anyqta» delingen. O zaman da, bu zaman, velosıpedshi men shańǵyshynyń ushqanyn kórgen joqpyz. 125-bettegi sýrettiń astynda «Asfendııarov Sanjar Japaruu» dep jazylǵan, durysy – Asfendııarov Sanjar Japaruly. 135-bet, 5-tapsyrmada Dorı, Norı, Orı degen qazaqqa jat esimdermen mysaldar keltirgen. Jattyǵýǵa mysal bolatyn qazaqtyń aty joq pa? 7-tapsyrmada «vıd transporta» degen artyq sóz júr. Budan bólek, 4-synypqa arnalǵan ádebıettik oqý kitabynda YouTube-ten mýltfılm kórýge tapsyrma berilgen. Al bir tapsyrmasynda «Ratatýı» degen sheteldik mýltfılmin kórip, onyń mazmunyn aıtyp berýge mindet qoıylyp otyr. Onyń ornyna tól tilimizde berilgen týyndy joq pa? «Ratatýı» syndy mýltfılmderdi oqýlyqta jarnamalaýdyń esh qajeti joq. Biz keltirgen mysaldar bir-eki oqýlyqtan ǵana, budan bólek, grammatıkalyq ári texnıkalyq qateler kóp.

Sońǵy jańalyqtar