10 Mamyr 2019, 16:15 652 0 Ishki saıasat Dınara MYŃJASARQYZY

Ataýly kómekti kimder alady?

Eńbek jáne halyqtyń áleýmettik qorǵaý mınıstri Berdibek Saparbaev tabysy tómen otbasylarǵa ataýly áleýmettik kómek taǵaıyndaý jumysy qalaı atqarylyp jatqanyn aıtty. El ishine jasalǵan jumys saparynda áleýmettik suraqtarǵa jaýap berdi.

Onyń qalaı sheshiletini jóninde aıtyldy. «Sizder biletindeı, mınıstrliktiń qasynda memlekettik organdarmen birlese qurylǵan jumys toby bar. Osy ótken 4 aıdyń ishinde jumys toby 11 otyrys ótkizdi. Jalpy, qazirgi tańda 160 myń otbasyǵa ataýly áleýmettik kómek taǵaıyndaldy. Ol shamamen, 806 myńdaı adam. 10 myń otbasyǵa AÁK taǵaıyndalǵan joq. Sebebi, olar berilgen talaptarǵa sáıkes kelmeıdi. Iaǵnı, tabystary belgilengen krıterııden asyp tur», – dedi Berdibek Saparbaev. Mınıstrdiń aıtýynsha, búginde sáýir-mamyr aıyna ataýly áleýmettik kómek úshin 23 mlrd teńge qarastyrylǵan. «Jalpy, jyl boıy ataýly áleýmettik tólemdi tóleý úshin 130 mlrd teńge qarastyrylǵan. Orta eseppen árbir otbasyǵa 105 myń teńge ataýly áleýmettik kómek kórsetiledi. Bir aıta ketetin másele: áleýmettik jelide keıbireýler bul tólem birinshi toqsanda tólenedi dep jatyr. Qaıtalap aıtarym: tólem jyl boıy tólenedi. Biraq, onyń erejesine sáıkes tabys jyl saıyn, toqsan saıyn naqtylanyp otyratyn bolady», – dedi mınıstr.

Almaty oblysynda 40 myń kópbalaly otbasynyń 11 myńy ǵana ataýly áleýmettik kómek alǵan. Kópbalaly analar kótergen ataýly áleýmettik kómek pen baspana máselesi qazir atqarýshy bıliktiń ǵana emes, tutas qoǵamnyń bas aýrýyna aınalǵan sııaqty. Anyǵynda bul jaıyndaǵy pikir ekige jarylyp tur. Bir qaýym jurttyń kózqarasy áleýmettik áljýaz toptardyń jaǵdaıyn memleket jasaýy kerek degenge saısa, ekinshi tarap «árkim óz kúnin ózi kórip, jaǵdaıyna qaraı bala týýy kerek» degen ustanymda.
Árıne, memleket áleýmettik máseleni sheshýge múddeli, oǵan barlyq múmkindikti qoldanýda. Biraq bılik úshin adamdardyń jappaı paternalıstik kóńil kúıde bolýy tıimdi emes. Osy jerde 1 sáýirden qujat qabyldaý sharasy bastalǵan ataýly áleýmettik tólemge qatysty jurt ishinde jaǵymsyz sóz kóbeıip turǵanyn aıtýymyz kerek. Áleýmettik qyzmet pen ákimdik tarapy kómekke muqtaj nemese járdem alýǵa nıetti kópbalaly otbasynyń tabysyn esepteý kezinde saýyn sıyr men taýyq sanyn túgendep, tipti jemis aǵashyn da ónim beretin kiris kózine jatqyzýy kópbalaly analardyń ashý-yzasyn týǵyzyp otyr. Eń qyzyǵy, otbasy músheleriniń atyna rásimdelgen nesıe men múgedek balaǵa beriletin arnaıy járdemaqy da áýlettiń tabysy bolyp esepke alynýyn eshkim túsindirip bere alǵan joq.
Biz bul jóninde Almaty oblysynyń ákimi Amandyq Batalov myrzadan suradyq. Ol «Almaty oblysynda 40 myń kópbalaly otbasy bar eken. Onyń 11 myńy ǵana ataýly kómekti alǵan. Mysaly qazir Jetisý óńirin 2 mıllıonǵa jýyq adam mekendeıtin bolsa, onyń ishindegi 165 myń bala kópbalaly otbasynda týyp, óskender. Kóptiń kóńilin eleńdetken ataýly kómek máselesi nege ońtaıly sheshilmeı otyr?» degen saýalǵa tómendegideı jaýap berdi.

Amandyq Batalov, Almaty oblysynyń ákimi:
– 1 sáýirden ataýly áleýmettik kómektiń jańa formatyn taǵaıyndaýǵa 17 503 ótinish qabyldandy, aýyspaly kontıngent boıynsha avtomatty qaıta sanaý 6074 otbasyn quraıdy, ıaǵnı AÁK alýshylardyń jalpy qamtylýy 23 557 otbasyn (112 160 otbasy múshesi) quraıdy. 2019 jyly ataýly áleýmettik kómekke 13,5 mlrd teńge bólindi (RB-12,1 mlrd. teńge, JB-1,4 mlrd teńge), onyń ishinde sáýir aıyna 906 mln teńge qarastyryldy. 5 mamyrǵa ataýly áleýmettik kómek 21 886 otbasyna jalpy somasy 2 mlrd 30 mln teńgege tólenip, 100% ıgerildi, 1619 otbasyna kirisiniń artýyna baılanysty bas tartyldy. Jumys turaqty baqylaýda.

Dınara Myńjasarqyzy

Sońǵy jańalyqtar