10 Mamyr 2019, 16:09 477 0 Kólik "Túrkistan" gazetiniń avtorlary

MEREKE QARSAŃYNDA ÁÝE BILETTERI ShARYQTAP KETTI

Mamyr basynan beri Qazaqstanda áýe bıletteriniń baǵasy sharyqtap tur. Birinen keıin biri kelip jatqan merekeler ushaqpen qatynaýshylar sanyn kúrt kóbeıtti.

Ásirese elordadan ushatyn birneshe baǵyt boıynsha baǵanyń birshama óskeni baıqalady. BAQ ókilderi baǵany saraptaý úshin soltústik, ońtústik, batys jáne shyǵys óńirler baǵasyn salystyrmaly túrde eseptep kórdi. Áýe kompanııalardyń saıttaryndaǵy mamyrdyń 9-y men 12-si aralyǵyna arnalǵan bılet baǵasy áýelgisinen tym qymbat. Elordadan Qostanaıǵa tikeleı áýe reısimen baryp-kelý – 80 myń teńgege jetken. Jáı kúnderi 40 myń teńgeden sál qymbat bolatyn. Shymkentke ushý baǵasy 70 myń teńgeden asady. Al Nur-Sultan-Atyraý baǵytynda ushatyn turǵyndarǵa baryp-kelý quny – 96 myń teńge. Biraq eń qymbat baǵa Nur-Sultan-Óskemen baǵytynda tirkeldi. Shyǵysqa baryp kelý úshin qaltańyzda kem degende 120 myń teńge bolýy kerek.
Sondaı-aq turǵyndar jıi saparlaıtyn Nur-Sultan-Almaty baǵytyndaǵy reısterge eń arzan áýe bıleti – 50 myń teńge. Mereke kúnderi bolǵandyqtan bıletter shamamen eki ese qymbattaǵan. Mysaly, mamyrdyń 13-i men 16-sy aralyǵynda Almatyǵa, demalys kúnderine qaraǵanda, eki ese arzan baǵaǵa barýǵa bolady. Bılet quny – 28 myń teńge. Al Óskemenge ushaqpen baryp-kelý – 36 myń teńge, Atyraýǵa – 56 myń teńge. Al shyraıly Shymkentke áýe joldary arqyly 35 myń teńgege baryp kelýge bolady.

Sońǵy jańalyqtar