10 Mamyr 2019, 14:49 683 0 Ishki saıasat "Túrkistan" gazetiniń avtorlary

Prezıdent saılaýyna túsetin jeti úmitker

Týra 1 aıdan keıin, 9 maýsymda ótetin kezekten tys prezıdenttik saılaýǵa qatysatyn kandıdattardyń esimi tolyqtaı belgili.

Prezıdenttikke úmitker atanǵan tulǵalardyń qaı-qaısysy da elimizdiń saıası-qoǵamdyq damýyna atsalysqan.

Sonymen bul saılaýda elimizde tirkelgen saıası partııalardyń ókilderimen qatar, respýblıka eńbekkerleriniń quqyǵyn qorǵaıtyn Kásipodaqtar federaııasynan, rýhanı-patrıottyq birlestikterden kandıdattar tirkeldi.

BAQ ókilderi men sarapshylar 9 sanyna basa den qoıǵany jasyryn emes. Jyl basynan beri osy sanmen baılanysty memlekettik saıası oqıǵalar jıi tirkeldi. Rasymen de 9 maýsymda ótetin kezekten tys prezıdent saılaýyna 9 kandıdat qatysatyn bolǵan.

«Nur Otan» partııasy» qoǵamdyq birlestiginen Qasym-Jomart Toqaev, «Aýyl» halyqtyq-demokratııalyq patrıottyq partııasynan Tóleýtaı Rahymbekov, Qazaqstan Kommýnıstik Halyqtyq partııasynan Jambyl Ahmetbekov, «Aq jol demokratııalyq partııasy» qoǵamdyq birlestiginen Danııa Espaeva, «Ult taǵdyry» respýblıkalyq qoǵamdyq birlestiginen Ámirjan Qosanov, «Qazaqstan Respýblıkasynyń kásipodaqtar federaııasy» Respýblıkalyq kásipodaqtar birlestiginen Amangeldi Taspıhov, «Qazaqstan Qurylysshylar odaǵy» respýblıkalyq zańdy tulǵalar birlestiginen Talǵat Erǵalıev, «Uly dala qyrandary» respýblıkalyq qoǵamdyq mádenı-áleýmettik birlestiginen Sádi-Bek Túgel, «Halyq demografııasy» qoǵamdyq birlestiginen Jumataı Álıev Ortalyq saılaý komıssııasyna qajetti 7 qujat toptamasyn tolyq tapsyrǵan.

Biraq «Qazaqstan Qurylysshylar odaǵy» respýblıkalyq zańdy tulǵalar birlestiginen Talǵat Erǵalıev keıinnen prezıdenttikke úmitker retinde usynǵan ótinishin keri qaıtaratyndyǵyn málim etip, «Aq jol» partııasynyń kandıdaty Danııa Espaevaǵa qoldaý bildirdi.

Al Ortalyq saılaý komıssııasyna sońǵy bolyp ótinim bildirgen Jumataı Álıev memlekettik tilden emtıhan tapsyra almaı qaldy. «Memleket jáne Din» taqyrybynda 13 sóılemdi shyǵarma jazyp, 19 qate jibergen. Lıngvıstıkalyq komıssııa múshesi Ádil Ahmetov: «Taqyryp múldem ashylmaǵan, sóılemderiniń barlyǵy júıesiz. Din máselesi de múldem ashylmady deýge bolady, ústirt. Ekinshi kezeńde Muhtar Áýezovtiń «Abaı joly» romanynyń 2-tomynan úzindi oqydy. M.Áýezovtiń sózi «qyzdyń jıǵan júgindeı» ǵoı. Mátinniń óz áýezi bar. Bul jerde de óziniń shorqaqtyǵyn baıqatty. Úshinshi kezeńde «Yrys aldy – yntymaq» taqyrybynda baıandama jasady. Taqyryp múldem ashylmady. Saýatsyz boldy. Segizden astam qate jiberilse, shyǵarma teris baǵalanady. Sondyqtan prezıdenttikke úmitker Jumataı Álıev memlekettik tildi erkin meńgermegen degen komıssııa qorytyndysy shyqty», – dedi. Qalǵan úmitkerlerdiń bári de memlekettik tildi erkin meńgergendigin anyqtaý úshin arnaıy qurylǵan lıngvıstıkalyq komıssııa aldynda emtıhan tapsyryp, synnan súrinbeı ótti.

Osylaısha QR azamattary 9 maýsym kúni 7 úmitker arasynan, ózi úmit artqan bir kandıdatqa daýys bere alady.

Sońǵy jańalyqtar