10 Mamyr 2019, 15:36 652 0 Ishki saıasat Ásel ÁNÝARBEK

El úshin eńbek etken áskerıler memlekettik marapatqa ıe boldy

7 mamyr – Otan qorǵaýshylar kúni qarsańynda Memleket basshysy Qasym-Jomart Toqaev áskerı jáne quqyq qorǵaý salasynyń qyzmetkerlerine memlekettik nagradalar tapsyryp, joǵary áskerı jáne arnaýly ataqtar berdi.

Mereke qarsańynda Qazaqstan Prezıdenti adam ómirin órtten, sýdan arashalap qalǵan beıbit kúnniń batyrlaryn da nazardan tys qaldyrmaı, arnaıy marapattady. «Sizderdiń beıbit kúndegi erlikterińiz ben ıgi isterińiz óskeleń urpaqqa úlgi bolýy tıis», – dedi Prezıdent.

Memleket basshysy Qasym-Jomart Toqaev túrli shendegi 26 áskerı qyzmetkerge «Dańq», «Aıbyn», «Qurmet» ordenderin tabystap, qyzmette erligimen kózge túsken sarbazdardy marapattady.

QR Prezıdenti áskerılerge eldiń tynyshtyǵy úshin erekshe alǵys bildirdi. «Qurmetti sardarlar men sarbazdar! Barshańyzdy Otan qorǵaýshy kúnimen jáne Uly Jeńis meıramymen shyn júrekten quttyqtaımyn. Biz babalarymyzdyń erligin qasterlep, eldik jolyn jalǵaǵan urpaqpyz. Memleketimizdiń qaýipsizdigin qorǵaý – Otan kúzetindegi árbir azamattyń qasıetti paryzy. Elbasynyń qajyrly eńbeginiń arqasynda biz búginde Qazaqstannyń shekarasyn bútindep, irgesin bekittik. Bizdiń aldymyzda turǵan mańyzdy mindet – osy beıbitshilik pen turaqtylyqty saqtap qalý. Táýelsizdiktiń alǵashqy jyldarynda elimizde joǵary sanatty bilikti sardarlar múlde az boldy. Tuńǵysh Prezıdentimiz ár sarbazdy jigerlendire otyryp aıbyndy ásker qurdy», – dedi Qasym-Jomart Kemeluly.

Qazaqstan Prezıdenti generaldar men ofıerlerge bul joǵary shender men arnaýly ataqtar olardyń eńbekteriniń laıyqty jemisi ekenin aıtty. Sóıtip, 2-synypty memlekettik ádilet keńesshisi shenin Ǵızat Nurdáýletovke, polıııa general-leıtenanty arnaýly ataǵyn Alık Shpekbaev pen Erlan Turǵymbaevqa, sondaı-aq, general-leıtenant, general-maıor syndy áskerı ataqtardy quqyq qorǵaý salasynda eńbek etip júrgen ózge de laýazymdy tulǵalarǵa berdi. Bas ordada prezıdenttiń qolynan 26 ofıer memlekettik nagrada aldy. Qasym-Jomart Toqaev olarǵa alǵys aıtyp, eńbekke adal ári antqa berik bolǵanda ǵana otannyń laıyqty uldary bola alatyndyqtaryn jetkizdi.

Prezıdent jarlyǵymen memlekettik nagradaǵa ıe bolǵandardyń alǵashqysy Qazaqstan Qarýly kúshteriniń Bas shtaby bastyǵynyń orynbasary Ádilbek Aldabergenov. Oǵan birinshi dárejeli «Dańq» ordeni tabys etildi. Bul ataqqa bas prokýrordyń orynbasary Erlik Kenenbaev pen Qurlyq áskerleri bas qolbasshysynyń orynbasary Vasılıı Rysbaev ta ıe boldy. Al ekinshi derejeli «Dańq» ordenimen Konstıtýııalyq qurylysty qorǵaýdaǵy qyzmeti úshin Almaty oblysy boıynsha Ulttyq qaýipsizdik komıteti departamentiniń bastyǵy Sábıt Qurmanálıev pen Qostanaı oblysy polıııa departamentiniń bastyǵy Beket Aımaǵambetov marapattaldy.

Qasym-Jomart Toqaev eńbegimen erekshelengenderge ekinshi jáne úshinshi dárejeli «Aıbyn» ordenderin de tabys etti. Aıta keteıik, búgin marapattalǵandar arasynda Bas prokýrordyń qyzmet bastyǵynyń orynbasary Radımhan Dýbaeva da bar. Erlermen ıyq tirese eńbek etken názik jandy «Qurmet» ordenine ıe boldy.

Marapat ıeleri bul ataq-abyroıǵa laıyqty ekenin dáleldedi. Dese de, olarǵa júkteler jaýapkershilik qashanda aýyr. Memleket basshysy Qasym-Jomart Toqaev el qorǵaıtyn azamattar barda eldiń irgesi bútin, otanymyzdyń shekarasy berik bolaryna senim bildirdi.

Ásel MAQSATQYZY

Sońǵy jańalyqtar