8 Mamyr, 22:22 386 0 Ishki saıasat Dınara MYŃJASARQYZY

Kentaýda 90 kópbalaly otbasy baspanaly boldy

 Túrkistan oblysynyń ákimi Ómirzaq Shókeev jumys saparymen Kentaý qalasyna bardy. Aımaq basshysy shahardyń áleýmettik-konomıkalyq jaǵdaıyn nazarǵa alyp, atqarylyp jatqan jumystarǵa mán berdi. Sapar barysynda mańyzdy nysandarǵa aıaldady.

Aldymen «Kentaý qalasynyń 2019-2022 jyldarǵa arnalǵan keshendi damý jospary» tyńdaldy. Bul boıynsha Kentaý qalasynyń ákimi Dáýren Mahajanov májilis zalda ótken jıynda baıandady. Jalpy jasalýy tıis jumystardyń qatarynda kópqabatty turǵyn úılerdiń aýlasyn abattandyryp, shahardyń káriz júıelerin jańǵyrtý jumystary aıtyldy. Jıynda Ómirzaq Estaıuly Kentaý qalasynda 1 qabatty turǵyn úılerdi kóbeıtýge basymdyq berýdi tapsyrdy. Budan ózge, Túrkistan-Kentaý tas jolyn keńeıtip, abattandyrý jumystaryn júrgizý qajettigin aıtty. Sondaı-aq, «Aýyl-el besigi» jobasy aıasynda Yntymaq aýylynan bastap, eldi mekenderdi kórkeıtýdi júktedi.

Sapar aıasynda óńir basshysy «Kentaý transformator zaýyty» AQ-na aıaldady. Zaýyt búginde tolyqtaı zamanaýı qondyrǵylarmen jabdyqtalǵan. Óndiris orny lektromotor, generator jáne transformatorlar óndiredi. Jobalyq qýattylyǵy - 20 000 dana. Zaýyt 1 myńnan astam adamdy jumyspen qamtyp otyr. Ondaǵy ónimniń 60 paıyzy ishki naryqqa baǵyttalsa, 40%-y Reseı jáne Orta Azııa memleketterine ksporttalady.

Kentaý qalasyna jumys saparynda qalanyń 2019-2020 jyldarǵa arnalǵan keshendi damý josparyna sáıkes, «Jastar saıabaǵyn» abattandyrý jumysy tanystyryldy.

Otan qorǵaýshylar merekesi kúni men Uly Jeńistiń 74 jyldyǵy qarsańynda Kentaý qalasynda 180 otbasy baspanaly boldy. 60 páterli kópqabatty 3 turǵyn úıdiń 90 páteri - kópbalaly otbasylarǵa, al 37-si - jetim balalarǵa, qalǵan 53 páter - "Nurly jer" baǵdarlamasymen berilip otyr. Páter kiltterin saltanatty tabystaý rásiminde oblys ákimi Ómirzaq Shókeev turǵyndardy jańa baspanasymen quttyqtady.

«Baspana berý reti erejege sáıkes kezek boıynsha berilip otyr. Degenmen, áleýmettik osal toptaǵy turǵyndarǵa, kópbalaly otbasylarǵa baspanamen qamtý jaǵyna basymdyq berilgen. Taǵy bir aıtar qýanyshty jańalyǵymyz Kentaý qalasynyń jańa móltek aýdanynan kópqabatty 10 úıdiń qurylysy bastalyp, irgetasy qalandy. Demek, keler jyly taǵy 600-ge jýyq otbasy óz baspanalaryna qol jetkizetin bolady. Osynyń barlyǵy qurysh qoldy qurylysshylardyń eńbegi, halqymyzdyń aýyzbirshiligi men yntymaǵy, Elbasynyń halyqqa degen qamqorlyǵy»-dedi oblys ákimi.

"Nurly jer" baǵdarlamasy aıasynda boı kótergen turǵyn úıler sońǵy zamanaýı úlgide salynǵan. Aǵymdaǵy jyldyń sońyna qaraı taǵy 2 kópqabatty turǵyn úı paıdalanýǵa beriledi. Jalpy jyl sońyna deıin Kentaý qalasynyń 300-ge jýyq otbasyn baspanamen qamtý josparlanyp otyr.

Sońǵy jańalyqtar