8 Mamyr 2019, 22:11 622 0 Ishki saıasat Dınara MYŃJASARQYZY

12 myń kópbalaly otbasy óz páterine kiredi

Búgin Úkimettiń baspasóz ortalyǵynda ótken brıfıng barysynda QR ındýstrııa jáne ınfraqurylymdyq damý birinshi vıe-mınıstri Qaıyrbek Óskenbaev kópbalaly jáne az qamtylǵan otbasylarǵa turǵyn úı kómegin usyný tetigin iske asyrý barysy týraly aıtyp berdi, - dep habarlaıdy Tengrinews.kz tilshisi QR premer-mınıstriniń baspasóz qyzmetine silteme jasap.

Qaıyrbek Óskenbaevtyń aıtýynsha, qazirgi tańda elimizde 340 myńǵa jýyq kópbalaly otbasy bar, olardyń ishinde 31 myńnan astamy baspanaǵa muqtaj retinde ákimdikterdiń kezeginde tirkelgen (1 qańtardaǵy jaǵdaı boıynsha - 28 myńnan asa otbasy). Jyl saıyn kópbalaly otbasylar úshin jalǵa beriletin turǵyn úı salýǵa jáne satyp alýǵa óńirlerge 50 mlrd teńgeden bólý kózdelgen. Bul jyl saıyn 6 myń kópbalaly otbasyny qamtamasyz etýge jol ashady, 2025 jylǵa deıin - 40 myń kópbalaly otbasy jaldamaly turǵyn úımen qamtylady. Bıylǵy 1 mamyrda 249 baspana berildi. Keshe, 7 mamyrda, Semeı jáne Óskemen qalalarynda kópbalaly otbasylarǵa 10 páter berildi. Bıylǵy mamyr aıynyń sońyna deıin barlyq qarjy kózderi esebinen 1200-1300 kópbalaly otbasyny turǵyn úımen qamtamasyz etý josparda bar. "Bizde baspana berýdiń arnaıy kestesi bar. Máselen, 9 mamyrda Batys Qazaqstan oblysynyń, Shymkent qalasynyń kópbalaly otbasylaryna páterlerdiń kiltteri tabystalady. 25 mamyrda Atyraý oblysy men Almaty qalasynda beriledi", - dep málimdedi Óskenbaev. Qosymsha shara retinde bıylǵy maýsym aıynda "Turǵyn úı qurylys jınaq banki" AQ arqyly kópbalaly, tolyq emes otbasylardy, sondaı-aq múmkindikteri shekteýli balalary bar otbasylardy jeńildikpen nesıelendirýdi bastaý josparlanǵan. Bul zaımdar jyldyq 2% mólsherleme boıynsha, 20 jylǵa deıingi merzimge, bastapqy jarnasy 10%-dan bastap beriledi. Bastapqy jarnanyń bir bóligi turǵyn úı sertıfıkatymen jabylýy múmkin. Atalǵan tetikti iske asyrýǵa úsh jyl ishinde 150 mlrd teńge bólý kózdelgen. Bul jyl saıyn 6 myń zaım berýdi qamtamasyz etedi, 25 jyldyń ishinde 56 myń zaım beriletin bolady. Sondaı-aq, Q. Óskenbaev "Altyn alqa", "Kúmis alqa", "Batyr Ana" ataǵyn alǵan kópbalaly otbasylar men analar jeke sanatqa shyǵarylyp, olarǵa birinshi kezekte turǵyn úı alý quqyǵyn berý zańnamalyq túrde bekitilgenin eske saldy. "Nurly jer" memlekettik baǵdarlamasy sheńberinde tıisti qarjy jylyna arnalǵan respýblıkalyq jáne jergilikti bıýdjetterde kózdelgen qarajatqa sáıkes jalǵa beriletin turǵyn úıdi bólý týraly norma anyqtaldy. "kópbalaly otbasylarǵa turǵyn úı berý boıynsha júrgizilip jatqan jumystyń alǵashqy nátıjeleri osyndaı. Biz bul jumysty turaqty baqylaýǵa aldyq. Elbasynyń kópbalaly otbasylardy turǵyn úımen qamtamasyz etý jónindegi tapsyrmasy tolyǵymen oryndalady. Búginde baspana alýǵa kezekte turǵan kópbalaly otbasylar 2025 jylǵa deıin memleketten turǵyn úımen qamtamasyz etiledi. Osy jyldyń ózinde 12 myń otbasy ózderiniń páterlerine ornalasady (barlyq qarjy kózderi esebinen - 6 myń, Turǵyn úı qurylys jınaq banki arqyly jeńildikpen nesıelendirý esebinen - 6 myń). Osylaısha, 3-4 jyl ishinde turǵyn úıge muqtaj kópbalaly otbasylardyń máselesin tolyǵymen sheshemiz dep josparlap otyrmyz", - dedi qorytyndylady Óskenbaev.

Sońǵy jańalyqtar