8 Mamyr 2019, 21:46 674 0 Qaýipsizdik Dınara MYŃJASARQYZY

FlyArystan 1 aptada 10 myń jolaýshy tasymaldady

Tuńǵysh qazaqstandyq bıýdjettik áýekompanııa óziniń alǵashqy jumys aptasyn aıaqtap, oń nátıjelerge qol jetkizdi. FlyArystan áýekompanııasy Almatydan Nur-Sultanǵa, Qaraǵandy, Taraz ben Oralǵa 10 myń jolaýshy tasyp úlgerdi.

Osy ýaqyt aralyǵynda qazaqstandyq áýetasymaldaýshy 63 reıs oryndady. Reısterdi ýaqytyly oryndaý kórsetkishi 82% qurasa, áýekemeniń júkteme koefıent kórsetkishi 94% kórsetti. Naýryzdyń 29 bastap kúni búginge deıin satylǵan bıletterdiń jalpy sany 70 myńnan asyp tústi. – Almatydan Nur-sultan men Tarazǵa uıymdastyrylǵan alǵashqy reıstiń bıletteri bir aıdan az ýaqyt ishinde túgel satyldy. Aldymen jolaýshylarymyz merekelik jáne demalys kúndik bıletterdi satyp aldy. 1-7 mamyr arasynda satylǵan 10 myń teńgege deıingi bıletter satylymnyń jartysynan kóbin qurasa, Almatydan Nur-Sultan, Taraz ben Qaraǵandyǵa osy baǵamen satylǵan bıletter barlyq satylymnyń 2/3 bóligin qurdy, – dep málimdedi FlyArystan-nyń satý jáne marketıng bóliminiń dırektory Janar Jaılaýova.  – Kópti kórgen saıahatshylar keleshek demalystaryn búgin josparlap, FlyArystan-ǵa bıletterdi brondap jatyr. Sebebi qazir flyarystan.com saıtynda 26 qazanǵa deıingi bıletter satylymy ashyq jáne de qoljetimdi. Iaǵnı mınımaldy tarıfter ushyp shyǵýǵa birneshe kún qalǵanda arzan bolýy ekitalaı. Sol sebepti biz, ýaqytty ótkizbeı, birden qoljetimdi bıletterdi alyp úlgerýge keńes beremiz. Esterińizge sala ketsek, 30 mamyrdan bastap bıýdjettik áýetasymaldaýshy Almatydan Pavlodar men Shymkentke qatynaı bastaıdy. Bul baǵyttarǵa bılet quny 6999 jáne 4999 teńgeden bastalady.

Sońǵy jańalyqtar