8 Mamyr 2019, 21:40 620 0 Qoǵam Dınara MYŃJASARQYZY

Ózbekstan men Reseı AES salý jóninde kelisimge qol qoıady

 Ózbekstan men Reseı jyl sońyna deıin AES salý jóninde kelisimge qol qoıady. Bıyl jyl sońyna deıin Ózbekstan men Reseı AES (Atom elektr stanııasy) salý jóninde kelisimge kelýi múmkin. Bul jóninde "Ózatom" agenttiginiń bas dırektory Jýrabek Mırzamahmýdov habarlady.

"Bizde bul baǵytta naqtylanǵan jospar bar. Josparǵa sáıkes kelisimge jyl sońyna deıin qol qoıylady", - dedi Mırzamahmýdov.

Ótken aptada Reseıdiń syrtqy ister mınıstri Sergeı Lavrov Ózbekstanǵa baryp, AES salatyn oryndy talqylaǵan. Biraq áli kúnge deıin qurylys orny qupııa saqtaýly.

Jýrabek Mırzamahmýdovtyń aıtýynsha, AES-tiń alǵashqy kezeńi 2028 jyly paıdalanýǵa beriledi, ekinshi kezeńi 2030 jylǵa qaraı salynyp bitpek.

"Bizdiń boljamymyz boıynsha Ózbekstannyń elektr energııasyn paıdalaný qajettiligi saǵatyna 170 mlrd KVt-qa jetpek. AES bul qajettiliktiń 15-16 proentin qamtamasyz etedi", - dep atap ótti "Ózatom" basshysy.

2018 jyldyń qazan aıynda Shavkat Mırzııaev pen Vladımır Pýtın Jyzaqta sımvolıkalyq túrde AES qurylysyn bastaý túımeshigin basqan.

Sońǵy jańalyqtar