8 Mamyr, 21:35 321 0 Syrtqy saıasat Dınara MYŃJASARQYZY

Pompeo Berlın men Baǵdatqa bardy

AQSh memlekettik hatshysy Maık Pompeo seısenbi kúni keshkisin Irak astanasyna bardy dep habarlaıdy Irak úkimetindegi derekkózge silteme jasap Reuters, France Press jáne arab elderiniń aqparat quraldary.

Pompeonyń Baǵdatqa sapary resmı naqtylanbady. BAQ muny onyń qaýipsizdigin qamtamasyz etýmen baılanystyrady. Ol Irak úkimetimen Iran aınalasyndaǵy jaǵdaıdy talqylaýy múmkin dep jazady BAQ.

Seısenbi kúni memlekettik departament basshysy aıaq astynan Berlınge saparyn shegergen. AQSh-tyń Germanııadaǵy elshiligi muny "jedel máselelerge baılanysty" dep túsindirip, memlekettik hatshy jaqyn ýaqytta Berlınge keledi dep úmittenetinin jetkizgen.

Birer kún buryn Pompeo Fınlıandııada Reseı SIM basshysy Sergeı Lavrovpen kezdesken. Sársenbi kúni Londonǵa barýdy josparlaǵan. Munan bólek Vladımır Pýtınniń baspasóz hatshysy Dmıtrıı Peskov 14 mamyrda AQSh memlekettik hatshysy Sochıge barady dep málimdedi.

Pompeonyń Irakqa sapary Iran tarabynan qaýip tónip tur degen habarǵa baılanysty bolýy múmkin. Taıaýda AQSh prezıdentiniń ulttyq qaýipsizdik jónindegi keńesshisi Djon Bolton Parsy shyǵanaǵy mańyna ushaq tasymaldaǵysh, al Taıaý Shyǵysqa qosymsha bombalaýshy jetkiziledi dep málimdegen bolatyn.

Sońǵy jańalyqtar