8 Mamyr 2019, 20:00 596 0 Sport Túrkistan Gazeti

TARTYSQA TOLY BOKS TÝRNIRI

«Nursultan Nazarbaevtyń Bilim berý Qory» Qoǵamdyq Qorynyń fılıaly «Arystan» mamandandyrylǵan lıeıi jyl saıyn Lıeı bastyǵy, zapastaǵy general-maıor, pedagogıka ǵylymdarynyń doktory, professor, QR Áskerı akademııasynyń tolyq múshesi Sábıt Sáýmenuly Taýlanovtyń syılyqtary úshin bokstan týrnır ótkiziledi. Bıylǵy týrnır Otan qorǵaýshylar kúni men Uly Jeńistiń qurmetine arnalyp, 2002-2003 jáne 2004-2005 jylǵy jasóspirimder arasyndaǵy túrli salmaq kategorııasy boıynsha ótkizildi.

Bıylǵy jarysqa kelgen boksshylardyń sany 70-ten astam. Almaty oblysynyńJambyl, Eńbekshiqazaq, Talǵar aýdandarynan, jáne «Sparta», «Almaly», «Issyk», «Talǵar», «Baltabaı» sport klýbtarynan kelgen jasóspirimderdiń boksqa degen súıispenshiligi, jeńiske degen qushtarlyqtary erekshe boldy.

Ashylý rásiminen keıin shırek fınalǵa shyqqandardyń óneri tamashalandy. Kelgen komandalar «Arystan» lıeıiniń oqý, sport keshenderimen tanysty.Sodan keıin barypjartylaı fınalǵa shyqqandar men úshinshi orynǵa taban tiregen boksshylardyń qyzý tartysty jekpe-jekteri ótti. Ár saıys 3 raýnd, 2 mınýtqa sozyldy.

Qyzyl burysh pen kók buryshta arnaıy sport kıimderimen bulshyq etteri shıyrshyq atqan, túrli salmaqtaǵy jasóspirimder barlyq sheberlikterin salyp saıysty. Qarsylastar aıanbady. Boks qolǵabyn qansha jumsaq degenmen, negizinen jeńil jaraqat retinde kóbiniń muryndary qanady, biri jeńdi, biri jeńildi. Qas qaǵym ýaqyttyń ishinde jeńimpaz belgili bolyp otyrdy. Boks arenasyn tórt jaqtan jiti baqylap otyrdy sýdıalar: K.Abdekırımov–DIýSSh Talgar, S.Bessarabov– «Talǵar» boks klýby, Baqqojauly – DIýSSh «Issyk», M. Teltokıan – «Baltabaı» jáne Talǵar sport mektebiniń bapkeri Qarajanov Qýanysh.

Bapkerlerdensuhbat alý barysynda olar týrnırdiń ádiletti ótip jatqandyǵyn, uıymdastyrylý deńgeıi kóńilden shyqqanyn aıtty. Ózderi bastap kelgen komandalarynyń boksshylary jartylaı fınalǵa shyqqandyqtaryn, jeńisti oryndar kútip, júrekteri tolqyp otyrǵandyqtaryn da baıqatty.

«Arystan» mamandandyrylǵan Lıeıbastyǵynyń syılyǵy úshin bokstan týrnırǵa qatysýshylar mynadaı júldeli oryndarǵa ıe boldy:

2004-2005 jylǵylar: Vodjıtov I., 44 kg., Kaldybaı A, 48 kg, Kadyr I., 50 kg, Gazızov A., 52 kg, Nýsıalı E, 54 kg, Týrsynbek M., 57 kg.Nýrgazın E., 56 kg, Týrlybekov R., 80 kg. joǵary.

2002-2003 jylǵylar: Mırzobaev R., 49 kg, Baqqoja E., 52 kg, Toktıev R., 56 kg, Ýmbetalıev A, 60 kg, Ahmet J., 64 kg, Majıtov M., 69 kg., mazımbaev M, 75 kg, Danııar T., 80 kg.

Lıeı bastyǵy, zapastaǵy general-maıor, pedagogıka ǵylymdarynyń doktory, professor, QR Áskerı akademııasynyń tolyq múshesi Sábıt Sáýmenuly Taýlanov jeńimpazdardy dástúrli túrde jyl saıyn ótkiziletin «Arystan» mamandandyrylǵan Lıeıiniń bastyǵynyń syılyǵy úshin boks týrnırine shaqyrdy.Qatysýshylarǵa sáttilik tilep, jeńimpazdardy jeńisimen quttyqtady.

Sońǵy jańalyqtar