8 Mamyr, 17:43 371 0 Óner Turkystan Support

1000 maqal biletin balaqaı

Qymbat Sylambaı – Qarasaı aýdanyndaǵy eń kóp maqal biletin mektep oqýshysy. Ol qazirdiń ózinde myńǵa jýyq maqal-máteldi jatqa aıtyp, óz qatarlastarynyń aldy bolyp júr.

Jaqynda Almaty oblystyq Tilderdi damytý basqaramasy men Qarasaı aýdanynyń ákimdigi birlesip «Maqal – sózdiń máıegi» atty oqýshylar arasynda baıqaý ótkizgen bolatyn. Osy baıqaýǵa qatysqan Qymbat jıyrmaǵa jýyq alǵyr zamandastaryna des bermeı, saıystan oza shaýyp shyqty.

Bul baıqaýda tek oqýshylardyń maqal men máteldi jattap alyp aıtýy ǵana emes, taqyrypqa saı sheshendik óner men sóz tórkinin qanshalyqty uǵynǵandary sarapqa salynǵan bolatyn. Qymbat osy synaqtyń barlyǵynan súrinbeı ótipti.

- Elbasynyń «Rýhanı jańǵyrý» baǵdarlamalyq maqalasynyń jaryq kórgenine eki jyl tolýyna oraı, rýhanı qundylyqtardy dáripteý, memlekettik tildiń qoldanys aıasyn keńeıtý maqsatynda Qarasaı aýdany ákimdigimen birlesip «Maqal sózdiń máıegi» atty baıqaý ótkizgenbiz. Bul baıqaýǵa 14-17 jas aralyǵyndaǵy oqýshylar qatysty. Oblystyń 17 aýdany men 3 qalasynan kelgen ushqyr oıly, úshkir tildi 20 jas saıypqyrannyń arasynan kishkentaı Qymbat ozyp shyqty, - deıdi Almaty oblystyq Tilderi damytý basqarmasynyń basshysy Aıdar Bashbaev.

Sońǵy jańalyqtar