3 Mamyr 2019, 15:14 726 0 Óner Turkystan Support

«Uly dalanyń kóne saryndary» festıvali ótti

Dástúrli mýzykamyzdy tyńdaýshylar Dostyq úıine jınaldy. Olar munda  tanymal óner maıtalmandary – jyrshy-termeshi Almas Almatov, Jáken Omarov, án óneriniń sheberleri Erlan Rysqalı, Sholpan Dárjanova, kúıshi Batyrjan Myqtybaevtyń ónerin tamashalady.

Aldymen «Nur Otan» partııasy Ortalyq apparaty Saıası jumys departamentiniń dırektory Ǵalymjan Ótelbaıuly sóz alyp, Qazaqstan Respýblıkasynyń Tuńǵysh Prezıdenti, Elbasy Nursultan Nazarbaev «Uly dalanyń jeti qyry» maqalasynyń «Dala folklory men mýzykasynyń myń jyly» taraýynda ulttyq ónerimizdi keńinen nasıhattaýǵa basa nazar aýdarǵanyn atap ótti.

– Partııa osy maqalada kórsetilgen ıdeıalar men qundylyqtardy dáriptep keledi. «Uly dalanyń kóne saryndary» dástúrli mýzyka festıvali, sondaı-aq partııamyzdyń 20 jyldyǵyna oraı «Zııaly qaýymmen jumys» partııalyq jobasy aıasynda uıymdastyryldy. Festıvaldiń óskeleń urpaq úshin rýhanı-adamgershilik máni zor. Is-shara jyl basynda Semeıden – uly Abaıdyń otanynan bastaldy. Sodan keıin Pavlodar, Petropavl, Shymkent qalalarynda ótti, – dedi Ǵalymjan Ótelbaıuly.

Nurotandyqtar qazaqtyń dástúrli ónerin tek týǵan elimizde ǵana emes, sondaı-aq, ony álemdik deńgeıdegi sahnalarda keńinen nasıhattap, joǵary deńgeıge kóterýdi maqsat etip otyr. Is-sharada qoǵam qaıratkeri, mádenıet salasynyń ardageri Erkin Qurmanbekov óz oıymen bólisti. Ol oblys aýmaǵynda jyr óneri jaqsy damyǵanyn aıtty. Bul oraıda Qobylandy batyr jáne qazaq halqynyń basqa da tamasha uldary týraly mýzykalyq shyǵarma qaldyrǵan Nurpeıis Baıǵanındi eske alý jetkilikti ekenin tilge tıek etti. Sodan keıingi kezek mýzykanttarǵa berildi. Aqtóbeniń 150 jyldyǵyna tamasha syı jasaǵan ár qonaqtyń ónerin kórermender yqylaspen qabyldady.

Sońǵy jańalyqtar