26 Sáýir 2019, 12:46 812 0 Syrtqy saıasat Aıaýlym SALYQJANOVA

Nursultan Nazarbaev Beıjińdegi halyqaralyq forýmǵa qatysýda

26 sáýir – «TÚRKISTAN» weekly. Elbasy Nursultan Nazarbaev Pekınde ótip jatqan «Bir beldeý – bir jol» forýmyna qatysyp, sóz sóıledi. Bul týraly Tuńǵysh Prezıdenttiń baspasóz hatshysy habarlady.

Jospar boıynsha, forým kezinde «Bir beldeý – bir jol» baǵdarlamasynyń alty jylǵy jumysy qorytyndylanyp, damytý sharalary qabyldanady.

Basylymdar: «Baǵdarlama jaıly bastama kótergen adamdardyń biri retinde N.Nazarbaev Qytaı lıderi Sı zınpın men Reseı prezıdenti Vladımır Pýtınnen soń sóz sóıleıdi», – dep jazady.

Qytaıdyń Qazaqstandaǵy elshisi N.Nazarbaevty forýmdaǵy «eń mańyzdy jáne qurmetti qonaq» dep ataǵan. Pekınde ótetin «Bir beldeý – bir jol» ekinshi forýmyna 37 el qatysady.

N.Nazarbaev Pekınge keshe, 25 sáýirde túnde jetken. QR Tuńǵysh Prezıdentiniń baspasóz qyzmeti «sapar kezinde Nursultan Nazarbaev pen Sı zınpın kezdesýi josparlanyp otyr» dep habarlady.

Sońǵy jańalyqtar