25 Sáýir 2019, 11:19 906 0 Ishki saıasat "Túrkistan" gazetiniń avtorlary

Nursultan NAZARBAEV: MEMLEKETTI BASQARÝǴA BASShYLARDYŃ JAŃA BÝYNY KELETIN ZAMAN BOLDY

Ǵalym OMARHAN

Qazaqstannyń Tuńǵysh Prezıdenti – Elbasy Nursultan Nazarbaevtyń tóraǵalyǵymen ótken Nur Otan partııasynyń kezekten tys HIH sezinde 2019 jyldyń 9 maýsymyna belgilengen Prezıdent saılaýyna elimizdegi jetekshi saıası partııanyń atynan túsetin kandıdattyń esimi aıtyldy.

Sezd jumysyna Qazaqstan Respýblıkasynyń Prezıdenti Qasym-Jomart Toqaev, Parlament palatalarynyń tóraǵalary Darıǵa Nazarbaeva  men Nurlan Nyǵmatýlın,  Premer-mınıstr Asqar Mamın, Úkimet músheleri, depýtattar, oblystardyń, respýblıkalyq mańyzy bar qalalardyń ákimderi, dıplomatııalyq korpýs ókilderi, óńirlerden kelgen 627 delegat, barlyǵy 1500-den astam adam qatysty. Sezdi Nur Otan partııasy Tóraǵasynyń Birinshi orynbasary Máýlen Áshimbaev júrgizip otyrdy.

Sóz kezegi eń áýeli partııa Tóraǵasy Nursultan Nazarbaevqa berildi. Elbasy óz sózinde elimizdiń jańasha kezeńge aıaq basqandyǵyn atap ótti.

– 19 naýryzda men prezıdenttik ókilettigimdi toqtattym. Elimizdiń jarqyn bolashaǵy úshin oılanyp, tolǵanyp, osyndaı ońaı emes sheshim qabyldadym. Memleketti basqarýǵa basshylardyń jańa býyny keletin zaman boldy. Ýaqyt solaı, ómir solaı. Bul is Qazaqstannyń abyroıyn arttyryp, bedelin bıiktete túsedi dep senemin. Bizdiń qazirgi sheshimimiz soǵan qoldaý kórsetip, jaǵdaı jasaıtyn bolady, – dedi. Partııalastarynyń aldynda sóılegen sózinde Elbasy Nursultan Nazarbaev aýyr daǵdarys jaǵdaıynda bastalǵan táýelsiz Qazaqstandy qalyptastyrý joly ońaı bolmaǵanyn eske saldy.

– Ekonomıkanyń jappaı kúıreýi halyqtyń basym kópshiligin kúızeliske ushyratty. Kóptegen sarapshylar etnosaralyq shıelenister men qaqtyǵystar bolady dep boljam jasady. Biraq biz ózimizdiń egemen elimizde beıbitshilik pen kelisim jaǵdaıynda ómir súrýge laıyqty ekenimizdi búkil álemge dáleldedik. Meniń «aldymen ekonomıka, sosyn saıasat» degen negizgi qaǵıdatym durystyǵyn dáleldedi, – dedi Nur Otan partııasynyń Tóraǵasy.

Elbasy ári qaraı óziniń qıyn kezeńderde el basqarǵanyna qaramastan árbir isin qoldaǵan halqyna rızashylyǵyn bildirdi. Sonymen qatar Nur Otan partııasynyń Tóraǵasy Qazaqstannyń odan əri tabysty damýyn bizdiń baǵdarymyzdyń sabaqtastyǵy ǵana qamtamasyz etetinin aıtty. – Tórtinshi ónerkəsiptik revolıýııa talaptaryna səıkes elimizdi tehnologııalyq jəne ınfraqurylymdyq turǵydan damytýdyń jańa kezeńine qadam bastyq. ıfrlandyrý jəne ınnovaııany engizý esebinen eńbek ónimdiligi men ekonomıkanyń bəsekege qabilettiligi artty. Osy aýqymdy jumystardyń bəri búkil qazaqstandyqtardyń əl-aýqatyn arttyrýǵa baǵyttalǵan, – dedi Elbasy.

Nursultan Nazarbaev Konstıtýııa boıynsha ózine bekitilgen ókilettilikterge səıkes Otanymyzdy órkendetý úshin jumys isteı beretinin aıtty.

– Men Tóraǵa bolyp qala beretin Qazaqstan halqy Assambleıasy aıasynda atqaratyn jumystar kóp. Qoǵamdyq kelisim men ultymyzdyń birligin nyǵaıtý úshin isimizdi jalǵastyra beremiz. Qaýipsizdik Keńesin basqara otyryp, men ózimniń kópjyldyq təjirıbemdi ishki jəne syrtqy saıasatty anyqtaı otyryp, elimizdi damytýdyń birqatar negizgi məselelerin sheshýge baǵyttaımyn. Men burynǵysynsha eń iri Nur Otan saıası partııasynyń Tóraǵasy bolyp qala beremin, – dedi Qazaqstannyń Tuńǵysh Prezıdenti.

Sonymen qatar Tóraǵa sezdegi mańyzdy máselege toqtaldy.

– Búgin partııa atynan óz kandıdatymyzdyń atyn usyný úshin jınalyp otyrmyz. Bul óte mańyzdy. Biz búginde búkil álemge táýelsizdigimizdi saqtaı otyryp, óz damý jolymyzdyń baryn dáleldeı bildik. Taǵy bir dálel – álemniń damyǵan 50 eliniń qataryna qosylýymyz, − dedi Elbasy Nursultan Nazarbaev.

Elbasy Qazaqstan halqyn aldaǵy ýaqytta zor bolashaq kútip turǵanyn, oǵan qol jetkizý qazaqstandyqtardyń qolynda ekenin basa aıtty.

– Men partııa tóraǵasy retinde partııa atynan Qazaqstan Respýblıkasynyń Prezıdenttigine úmitker retinde Qasym-Jomart Toqaevtyń kandıdatýrasyn usynamyn. Toqsanynshy jyldardyń basy men eki myńynshy jyldardyń aıaǵynda memlekettik mańyzy bar reformalardy qabyldaýda Toqaevtyń eńbegi zor. Men Qasym-Jomart Toqaevty Qazaqstandy basqarýǵa laıyqty azamat dep senemin. Toqaev ár iske zor jaýapkershilikpen qaraıtyn memleket qaıratkeri, halyqaralyq arenada bedeli bar tulǵa. Qasym-Jomart Kemeluly kóp jyldar boıy elimizdiń Syrtqy ister mınıstrligin basqardy. Onyń dıplomatııalyq tájirıbesine Birikken Ulttar Uıymy da joǵary baǵa berdi. Sol sııaqty 1998 jylǵy Azııadaǵy qarjy daǵdarysynan keıin, el ekonomıkasynyń qaıta tik turýyna atsalysty, – dedi Qazaqstannyń Tuńǵysh Prezıdenti.

Elbasy óz sózinde bılik tizginin tapsyrýǵa sanaly túrde barǵanyn taǵy bir aıtyp ótti. Óıtkeni osy jaǵdaıǵa baılanysty áli kúnge alańdaýshylyq bildirip otyrǵan qazaqstandyqtar az emes bolyp shyqty.

– Men sanaly sheshim jasadym. Ondaı sheshimder bir kúnde qabyldanbaıdy. Bir aı da az. Men osy sheshimge birneshe jyl daıyndaldym. Qupııasyn ashsam, úsh jyldan astam ýaqyt daıyndaldym. Bárin jan-jaqty zerdeledim. Bolashaqty baǵamdap, ótkendi saraladym. Seriktesterimniń kadrlaryna zer saldym. Osy ýaqytqa deıin bárin tárbıelep, árbireýine senim arttym. Sóıtip, osyndaı sheshimge keldim. Osy sheshim durys dep bilemin. Men osy ýaqytqa deıin halyqtyń senimin aqtasam, men − baqytty adammyn, baqytty saıasatkermin, − dedi N.Nazarbaev.

Nursultan Nazarbaev sóz arasynda Qazaqstan halqyna degen júrekjardy lebizi men ystyq yqylasyn da jasyryp qala almady. Tipti «Qaıtadan saılaýǵa túsińiz» degen usynys-tilekterdiń de kóp bolǵanyn aıtty. – Men bizdiń azamattardan kóp hat alyp jatyrmyn. Qazaqstandyqtar meniń saılaýǵa túsýimdi suraýda. Maǵan bildirip jatqan osyndaı mahabbat pen  qarym-qatynas úshin basymdy ıemin. Men adamdardyń alańdaýly ekenin bilemin. Sol sebepti, Qasym-Jomart Toqaevty barsha qazaqstandyqtardyń teń quqyǵy men dostyq saıasatyn ustanatyn birden-bir adam dep málimdeımin, − dedi Elbasy.

Nursultan Nazarbaev ózine dáýletti de sáýletti Qazaqstandy qurý múmkindigi buıyrǵanyn alǵa tartty.

– Otyz jyl boıy Qazaqstan maǵan joǵary laýazymdy qyzmetti senip tapsyrdy. Men ózime zamanaýı Qazaqstandy Sizdermen birge qurý mártebesi buıyrǵanyn maqtan tutamyn. Qandaı qıyn kezeńder bolmasyn, meniń halqym árdaıym maǵan jáne meniń bastamalaryma qoldaý kórsetip, sońymnan erdi. Sonyń arqasynda biz kóptegen jetistikterge jettik. Meniń óz halqyma degen alǵysym sheksiz , − dedi Nursultan Nazarbaev.

Elbasydan keıin jaryssózge shyqqan delegattar da  táýelsiz memleketimizdi basqarýǵa birden-bir laıyqty azamat Qasym-Jomart Toqaev ekenin aıtty. Olardyń qatarynda  olımpıada chempıony Jaqsylyq Úshkempirov te bar. «Sonaý 1980 jyly Máskeýden altyn alqa taqtym. Qazir mal sharýashylyǵyn jandandyrýǵa óz úlesimdi qosyp kelemin. Jaqynda ǵana óz qolyńyzben Qazaqstannyń Eńbek Eri ataǵyn tabys ettińiz. Álem tanyǵan zańǵar tulǵasy, eli súıgen Elbasysyz. Aıbyndy ataǵyńyzben shyn júregimmen quttyqtaı otyryp, Siz usynǵan kandıdat Toqaevty biraýyzdan qoldaıtynymyzdy aıtqym keledi. Biz janjaly emes, armany kóp halyqpyz. Nur Otan partııasynyń uıǵarymy halyqtyń uıǵarymy dep bilemin», − dedi dańqty sportshy.

– Elimizdiń jan-jaqty damýy turǵysynda Qazaqstan Respýblıkasynyń Tuńǵysh Prezıdenti − Elbasynyń strategııalyq baǵdaryn jalǵastyrý úshin men saılaýǵa qatysamyn, − dedi óz kezeginde sóz alǵan Qasym-Jomart Toqaev.

Qazaqstan  Respýblıkasynyń Prezıdenti ózine kórsetilgen úlken senimge zor jaýapkershilikpen qaraıtynyn málimdedi.

– Qazaqstan Prezıdenttigine úmitker etip usynǵan Elbasyǵa shyn júrekten alǵys aıtamyn. Memleketimizdiń negizin qalaǵan Uly tulǵanyń maǵan artqan jaýapkershilik júgin búkil bolmysymmen sezinemin. Sondyqtan senimge sert berip, úlken úmittiń údesinen shyǵý úshin bar qajyr-qaıratymdy jumsaımyn, − dedi Qasym-Jomart Toqaev.

Táýelsiz Qazaqstanda turaqtylyq pen tutastyqtyń, bereke-birlik pen tatý tirliktiń, baqýatty ómirdiń ornyǵýy úshin Elbasynyń sińirgen eńbegi eren. Ony búkil qazaqstandyqtar jaqsy biledi. Qazaqstannyń Tuńǵysh Prezıdenti elimizdiń odan ári ósip-órkendeýi úshin áli de eleýli úles qosa beretini sózsiz.  Ony Nursultan Nazarbaevtyń ózi de aıtyp ótti.

– Árıne, zamanaýı Qazaqstannyń basshylyǵynda bolǵan adam retinde meni elimizdiń bolashaǵy, bizdiń bastamalardyń tabystylyǵy, azamattarymyzdyń ál-aýqaty alańdatatyny anyq. Maǵan Konstıtýııamen, zańdarmen bekitilgen ókilettikterime sáıkes  halyqtyń ál-aýqatyn jaqsartýdaǵy jumysymdy jalǵastyramyn. Sonymen qatar, jańa Prezıdenttiń jumystaryna qoldaý men onyń tabysqa jetýi úshin qyzmet etemin, − dedi Elbasy.

Qazaqstannyń Tuńǵysh Prezıdentiniń osy oıyn Memleket basshysy Qasym-Jomart Toqaev odan ári órbitti.

– Turaqtylyq pen tatýlyqtyń arqasynda Táýelsizdigimiz tuǵyrly boldy. Eliniń erteńin oılaǵan Elbasy Esildiń boıyna jańa elordamyzdy ornatty. Búginde Nur-Sultan qalasy dúnıejúzi ókilderiniń basyn qosyp, aýqymdy máselelerdi talqyǵa salatyn jahandyq ortalyqtardyń biri retinde qalyptasty. Rýhanı baı muralarymyz zerdeli urpaqtyń zeıinin ashyp, kóne tarıhty qaıta jańǵyrtty. Osynyń barlyǵy teńdessiz tulǵanyń tegeýrindi isteri arqyly júzege asqanyn dana halqymyz jaqsy biledi. Sondyqtan Tuńǵysh Prezıdentimizdiń jeńisti, jemisti jolyn jalǵastyrýdy men asa mártebeli mindet ári qasıetti paryz dep sanaımyn. Elbasymyz aıqyndaǵan strategııalyq baǵyt árqashan bizdiń aınymas baǵdarymyz, adastyrmas temir qazyǵymyz bolady, − dedi Qasym-Jomart Toqaev.

Sonymen Nur Otan partııasynyń kezekten tys HIH sezine qatysýshylar Qazaqstan Respýblıkasynyń Prezıdenttigine kandıdat retinde Qasym-Jomart Toqaevty biraýyzdan usyndy.

Elbasy aldaǵy Prezıdent saılaýyna qazaqstandyqtardy belsendi qatysýǵa shaqyrdy. Óıtkeni, bul egemen elimizdiń álemdegi ozyq otyz memlekettiń qataryna qosylýyna bastaıtyn mańyzdy qadam.

– Saılaýdyń qorytyndysy boıynsha Nur Otan partııasy jetekshi saıası partııa retinde óziniń mártebesin kúsheıtýi kerek. Men jeńiske jetetinimizge senimdimin. Sebebi bizdiń alǵan baǵytymyz durys. Al halyq bizge senedi. El azamattary bizge árqashan senýi kerek. Soǵan jumys isteýimiz qajet. Barlyǵyna tek sáttilik tileımin! Alǵa Nur Otan, alǵa Qazaqstan!, − dedi Elbasy partııanyń kezekten tys XIX sezindegi qorytyndy sózinde.

Nur-Sultan qalasy

 

Nurlan NOǴAEV, Atyraý oblysynyń ákimi,

Nur Otan partııasy oblystyq fılıalynyń tóraǵasy:

– Nur Otan partııasynyń XVIII sezinde Siz jarııa etken «Halyqqa kómek», «Baqytty otbasy», «Aýyl – el besigi», «Qutty meken» partııalyq jobalary óńirlerde bastaý alyp, azamattardyń muqtajyna dáıekti jaýap jáne úlken qoldaý boldy. Óńirimizde kópbalaly analarǵa járdemdesýge baǵyttalǵan Isker ana jobasy iske qosylyp, nıet bildirgen 500-den astam ananyń búgingi kúni 100-i segiz mamandyq boıynsha bilim aldy, kýrsty sátti aıaqtaǵan qatysýshyǵa óz isterin bastaý úshin granttar berý kózdelýde. Siz árqashan ult múddesin, el birligin, memleket bekemdigin, saıası turaqtylyqty elimizdiń damýynyń alǵysharttary ekenin ataı otyryp, saıası dana sheshimder qabyldaýyńyzben el senimine ıe bolǵan, álem moıyndaǵan saıasatkersiz! Aldymyzda turǵan endigi basty maqsat – Tuńǵysh Prezıdentimiz, Elbasy saıasatynyń altyn arqaýy, basty ózegi bolǵan el birligi men yntymaǵynyń jarasymdy jalǵasyn qamtamasyz etý. Prezıdenttik ókilettiligińizdi toqtatý jónindegi sheshimińizdi atyraýlyqtar alǵashqy sátte alańdaýshylyqpen qabyldaǵany ras. Degenmen bul sheshimniń sebebin Ózińiz túsindirgen soń, boıymyzdaǵy tolqý sezimi seıildi. Bul tarıhı sát elimizdiń bolashaǵyna degen ustanymyńyzdy, kóregendik-kósemdigińizdi taǵy da aıshyqtady. Kásibı biliktiligimen, ársalaly tájirıbesimen, adaldyǵy jáne adamgershiligimen tanymal adam el bastasa Elbasymyzdyń strategııalyq bastamalaryn jalǵastyryp, halqymyzdy bir maqsat, bir múddege jumyldyra otyryp, Táýelsizdigimizdiń máńgi bolýyna, elimizdiń damýyna bar kúsh-jigerin salatynyna senimdimiz.

Nurtóre JÚSIP, «Aıqyn» gazetiniń bas redaktory:

Ýaqyt zymyrap ótedi. Keshegi kún qandaı? Búgingi kún qandaı?! Memleket qurýdyń eń qıyn jolynan óttik. Jaqsy, jarqyn kúnderge jettik. Egemendiktiń eń alǵashqy kúnderinen bastap otandyq buqaralyq aqparat quraldarynyń damýyna únemi qoldaý kórsetip kelesiz. Osy jyldar arasynda ulttyq baspasózimiz qalyptasty. Qazaqstan jýrnalıstıkasy Táýelsizdik tusynda aıtarlyqtaı shyńdaldy. Jetildi. Elbasymyzdyń barlyq bastamalarynyń máni men mańyzyn halyqqa jetkizý, túsindirý, nasıhattaý jolynda BAQ ókilderiniń eńbegi óte zor. Aqıqatty joqtaǵan, ataly sózge toqtaǵan elmiz! Qazirgi ýaqyt – qaı jaǵynan alsaq ta óte mańyzdy. Qazaq ulty álemdik básekege qabiletti bolsyn dedińiz. Alǵa ketken ozyq elder «Qazaq qashan bizdi qýyp jetedi» dep tosyp turmaıdy ǵoı. Sondyqtan qamsyz bolmaı, qalǵyp ketpeı, qol qýsyryp qarap otyrmaı, kórkeıgen Qazaqstannyń asyl murattaryna umtylǵan durys. Bul zaman – biliktiniń zamany. Bul zaman – bilimdiniń zamany. Qazirgi álem tez ózgerip jatyr. Sana ózgerdi. Álemdik saıasat ta ózgeris ústinde. Prezıdenttiń kezekten tys saılaýyn ótkizýdi búkil Qazaqstan halqy qoldap otyr. Tynyshtyq pen turaqtylyq – Táýelsizdiktiń tiregi! Saıasattaǵy sabaqtastyq jalǵasýy kerek. Bárimizge beıbit ómir kerek! Jetken jetistikterimizge máz bolmaı, bir orynda turyp qalmaı, alǵa órleý kerek. Osyndaı jaǵdaıda Prezıdent saılaýyn ótkizýdiń eldik mańyzy óte joǵary. Bárimiz tas túıin jumylyp, Elbasymyzdyń saralap salyp bergen jolyn jalǵaýymyz qajet. Sezd usynyp otyrǵan kandıdat Qasym-Jomart Kemeluly – elge tanymal tulǵa. Bárimiz jaqsy bilemiz. Memleket jáne qoǵam qaıratkeri. Aty-jóni álemge máshhúr. Ult zııalysy. Qazaq mádenıetine, ádebıetine, ónerine shynaıy janashyr jan. Elde, halyqaralyq deńgeıde qurmeti men abyroıy bar azamattyń qazaq múddesi úshin adal qyzmet jasaıtynyna senim mol. Siz sengen adamǵa el de senedi! Asa kórnekti jazýshy Ábish Kekilbaıdyń: «Tarıhqa, taǵdyrǵa tótep beretin halyq eldikke jetedi» degen qanatty sózi bar. Bul kúnde el Táýelsizdigin kóziniń qarashyǵyndaı saqtaýǵa saqadaı saı, sanaly da sapaly qazaq balasynyń jańa býyny qalyptasty. Qazaqtyń erteńi – solardyń qolynda. Keleshegimiz – kemel, jetistikterimiz – jedel bolǵaı!

 

Dýlat ISABEKOV, jazýshy,              

Qazaqstan Respýblıkasy Memlekettik syılyǵynyń ıegeri:

– Saılaý ádil ótedi dep Qasym-Jomart Toqaevtyń ózi de aıtyp jatyr. Tuńǵysh Prezıdent te bizge tıimdi, utymdy, laıyqty kandıdatýrany tańdaýǵa usynys jasady. Keshe partııa óziniń baılamyn aıtty. Jazýshylar, jalpy ıntellıgenııa shyǵarmashylyq rýhta tárbıelengen tulǵa bolsa jaqsy qoldaý bildiredi. Kim saılansa da Elbasy saıasatyn ármen qaraı sátti jalǵastyryp, el damýyn eseleı tússe quba-qup. Prezıdent saılaýy eldiń eń sheshýshi kezeńi ekendigin árbir qazaqstandyq durys túsine bilgeni abzal.

Aıagúl MIRAZOVA, QR Bilim Berý isiniń Qurmetti qyzmetkeri,

Qazaqstannyń tuńǵysh Eńbek eri:

– Ózderińizge málim, osydan bir aı buryn Elbasy, Qazaqstannyń Tuńǵysh Prezıdenti, Ult kóshbasshysy Nursultan Ábishuly Nazarbaev óziniń Prezıdenttik  ókilettigin toqtatý týraly sheshim qabyldady. Konstıtýııalyq negizde Respýblıka Prezıdentiniń ókilettigi Senat tóraǵasy Qasym-Jomart Kemeluly Toqaevqa kóshti. Memlekettik bıliktiń Zań júzinde halyqqa unasymdy aýysýy jáne el damýynyń sara jolynyń adal saqtalýy, sóz joq, Elbasynyń kóregen kemeldiginiń arqasy. Merziminen buryn saılaý ótkizýdi de ýaqytyly ári durys qabyldanǵan  sheshim dep esepteımin.

Al kúni keshe ótken NurOtan partııasynyń sezinde, Nursultan Nazarbaev QR Prezıdenttigine Qasym-Jomart Toqaevty usyndy. Elbasy bul sheshimniń az ýaqyt ishinde qabyldana salmaǵanyn, ishteı birneshe jyl buryn daıyndalǵanyn aıtty. Rasymen, bul da Nursultan Nazarbaevtyń myqty saıasatker ári kóregen basshy ekenin taǵy bir márte ańǵartty. Sondaı-aq, bul kóptiń kókeıinde júrgen sheshim boldy. Búgingi kúnge deıin el júgin abyroımen arqalaǵan Elbasy óziniń uzaq merzimdi strategııalary jáne baǵdarlamalarymen el bolashaǵyn baıandy, keleshegin kemel etýge negizdelgen damý kartasyn jasap berdi.

Dáýlet KÁRIBEK, «Jas Otan» Jastar qanatynyń atqarýshy hatshysy:

– Sizdiń 19 naýryz kúni jarııalaǵan tarıhı sheshimińizdi barsha jas óte úlken tebirenispen qabyldady. «Táýelsiz Qazaqstanymyzdy, ortaq Otanymyzdy, Máńgilik elimizdi saqtaı bilińder» dep jastarǵa arnap aıtqan úndeýińiz árbir jastyń júregine qozǵaý, oıyna salmaq salyp, Táýelsizdik urpaqtaryna qanatyn qomdap, el aldyndaǵy, Elbasy aldyndaǵy jaýapkershilikti sezindirdi. Biz, jasotandyqtar, Sizdiń memlekettik baǵytyńyzdyń myzǵymastyǵyn qamtamasyz etýge ýáde beremiz. Sebebi, Táýelsiz Qazaqstannyń barlyq jetistigi Tuńǵysh Prezıdentimiz – Elbasy Nursultan Nazarbaevtyń orasan zor eńbeginiń jemisi. Sizdiń bastamańyzben qurylǵan «Jas Otan» JQ tarıhı damýynyń 18 jylynda eriktiler qozǵalysynan eń iri jastar uıymyna aınaldy. Qazir «Jas Otan» – Sizdiń strategııalyq josparlaryńyzdy tereń túsinetin, qoldaıtyn, iske asyratyn myńdaǵan jastyń basyn biriktirgen bedeldi uıym. Aramyzda qazirdiń ózinde aqyly men áleýeti ozyq, Otanymyzǵa paıdasyn tıgizip jatqan jastar az emes. Búginde barsha qazaqstandyqtarmen birge jasotandyqtar jalyndaǵan kúsh-jigerin elimizdiń órkendeýine baǵyttaıdy. Biz, jastar Qazaqstan Prezıdentiniń kezekten tys saılaýynyń ótýin qoldaımyz. Kún saıyn sharyqtap damyp jatqan álemde bul aıqyndyqty anyqtap, óz sheshimimizdi óz ýaqytynda álemge jarııalaý dep túsinemiz. Búgingi partııamyzdyń tarıhı sezi – tek ıdeologııalyq baǵdardyń bastaýy ǵana emes, sonymen birge, ıgilikti keleshektiń naqty qadamdary. Sizdiń memlekettik baǵdaryńyz. Sizdiń memlekettik baǵdaryńyzdy júzege asyrý arqyly jas qazaqstandyqtardyń tabysqa jetýine, eliniń damýyna úles qosýyna múmkindik beremiz.

Sońǵy jańalyqtar