19 Sáýir, 14:47 445 0 Jahan Aıaýlym SALYQJANOVA

Shengen vızasyn alý tártibi ózgertildi

Eýropa parlamenti Eýropalyq odaqtyń jańa vızalyq kodeksin bekitti. Qujat EO-ǵa kirmeıtin 100-den astam memlekettiń azamattaryna vıza berý tártibi men sharttaryn rettemek.

«Eýroodaq qysqa merzimdi vızalarǵa ótinim joldaý jáne olardy berý proedýralaryn jeńildetedi, sondaı-aq EO-ǵa kirmeıtin eldermen mıgraııa salasyndaǵy yntymaqtastyqqa túrtki bolýy úshin óziniń vıza saıasatyn paıdalanatyn bolady», - delingen Eýroparlament habarlamasynda.

Atap aıtqanda, ózgerister 90 kúnge deıingi qysqa merzimdi saparlarǵa qatysty. Bul rette, adal nıetti saıahatshylar úshin proedýralar jeńildeıdi. Jańa erejege sáıkes, vıza alýǵa ótinish sapar josparlanǵan kúnge deıin alty aı ishinde (qazirgi úsh aıdyn ornyna) jáne kem degende 15 kún buryn berilýi tıis. Al teńizshiler toǵyz aı buryn da tapsyra alady. Budan bólek, vızanyń quny 60 eýrodan 80 eýroǵa qymbattady. Degenmen, 18 jasqa deıingi jasóspirimder men 6 jasqa deıingi balalarǵa jeńildikter qarastyrylǵan. Ǵalymdar men stýdentter burynǵysha vızalyq alymnan bosatylǵan. Vıza alymynyń mólsheri, ótinishter boıynsha sheshim qabyldaý ýaqyty, vızanyń birneshe ret kirýge jaramdy bolatyn ýaqyty sııaqty keıbir erejeler EO men áriptes memleket arasyndaǵy yntymaqtastyqtyń deńgeıine qaraı árkelki bolýy múmkin. Jańa erejeni EO Keńesi bekitýi tıis. Odan ári EO-nyń resmı jýrnalynda jarııalanǵannan keıingi alty aıdan soń kúshine enedi. Qazirgi kezde

Shengen aımaǵyna kirý úshin 100-den astam eldiń azamattaryna vıza resimdeý qajet. Sońǵy birneshe jylda vıza alýǵa tapsyrylǵan ótinishterdiń kólemi 50% artqan. Atap aıtqanda, 2009 jyly 10,2 mıllıon ótinish berilse, 2016 jyly olardyń sany 15,2 mıllıonǵa jetken.

Aıta keteıik, Eýrokomıssııanyń derekteri boıynsha, Eýropa elderiniń konomıkasynda týrızm ındýstrııasy mańyzdy ról atqarady. EO jalpy ishki ónimindegi týrızmniń úlesi shamamen 10%.

Sońǵy jańalyqtar