18 Sáýir, 18:26 746 0 Áleýmet TURKYSTAN.KZ

ÁLEÝMETTIK JELIDEN BAS TARTYP, JAQSY ÓMIR SÚR

The Wall Street Journal basylymynyń avtory bir jylǵa barlyq áleýmettik jelilerden bas tartyp, ómiriniń qalaı ózgergeni týraly maqala jarııalady. «Áleýmettik jelilersiz ótken ýaqytta aınalam múldem ózgerdi. Sońǵy kezderi áleýmettik jelige, onyń ishinde poshtany tekserý, ınstagramǵa sýret tańdaý úshin de kóp ýaqyt ketetin. Degenmen, áleýmettik jelilerdiń barlyǵynan bas tartý ýaqyttyń qundylyǵyn túsinýge kómektesedi, sonymen qatar ıfrlyq ómirdi de jeńildetedi», – dep jazady avtor. Onyń aıtýynsha, áleýmettik jelilerden bas tartý onyń ómirindegi eń keremet sheshim bolǵan. «Kópshiligi Facebook, Twitter nemese Instagram-syz ómir súrý múmkin emes dep oılaıdy. Degenmen, áleýmettik jelige az ýaqyt arnaýdyń paıdasy kóp. Birinshiden, sizde eń mańyzdy dúnıelerge ýaqyt kóbeıedi. Ekinshiden, qaptaǵan posttardy baqylamaý túsinigińizdi arttyryp, ózińizge rasymen unaıtyn dúnıelerge degen qushtarlyǵyńyzdy oıatady. Úshinshiden, áleýmettik jelilersiz ónimdiligińiz artady. Tórtinshiden, siz jeńildeı bastaısyz. Arqańyzdan júk túskendeı bolady. Besinshiden, aınalańyzdaǵy adamdarmen qatynasyńyz jaqsarady. Eń bastysy, siz óz ómirińizdi qaıtadan óz qolyńyzǵa alyp, ómirińizdi baqylaýda ustaıtyn bolasyz. Bul ózińdi basqalarmen salystyryp ómir súrgennen jaqsy», – deıdi avtor.

«Túrkistan-aqparat»

 

Sońǵy jańalyqtar