18 Sáýir 2019, 17:22 696 0 Ishki saıasat Túrkistan Gazeti

Úkimet músheleri el aralap júr

QR Premer-Mınıstriniń orynbasary G.Ábdiqalyqova bastaǵan Elbasynyń «Áleýmettik qamqorlyq» jańa áleýmettik sharalarynyń negizgi baǵyttaryn túsindirý jónindegi úkimettik jumys toby Almaty oblysyna bardy. Jumys tobynyń quramyna QR eńbek jáne halyqty áleýmettik qorǵaý mınıstri B.Saparbaev, QR Bilim jáne ǵylym mınıstri K.Shámshıdınova, QR densaýlyq saqtaý mınıstri E.Birtanov, Qurylys jáne turǵyn úı-kommýnaldyq sharýashylyq isteri komıtetiniń tóraǵasy M. Jaıymbetov kirdi.

QR Premer-Mınıstriniń orynbasary G.Ábdiqalyqova men QR Eńbek jáne halyqty áleýmettik qorǵaý mınıstri B.Saparbaev jumys saparyn Taldyqorǵan qalasynyń qalalyq jumyspen qamtý ortalyǵy men halyqqa qyzmet kórsetý ortalyǵynan bastady, onda mekemelerdiń jumystaryn tekserdi. Budan keıin jumys toby Almaty oblysynyń turǵyndarymen kezdesti. Jıynǵa kópbalaly analar, az qamtylǵan otbasylar, eńbek ardagerleri, múmkindikteri shekteýli jandar, muǵalimder, dárigerler, azamattyq qoǵam ókilderi qatysty. Gúlshara Ábdiqalyqova óz sózinde jańa áleýmettik saıasattyń negizgi baǵyttary, jumys tobynyń maqsattary men mindetteri týraly tolyǵyraq aıtyp berdi. Halyqtyń ál-aýqatyn jaqsartý maqsatynda qolǵa alynǵan sharalar týraly egjeı-tegjeıli baıandaı otyryp, ol memlekettiń basymdyǵy halyqtyń turmys deńgeıin barynsha jaqsartý ekenin atap ótti. Basty mindet – halyqty jumyspen qamtamasyz etý, halyqtyń áleýmettik qorǵalmaǵan toptaryna mindetti túrde memleket tarapynan qoldaý kórsetiledi.

Bir aıta keterligi, G.Ábdiqalyqova az qamtylǵan otbasylarmen kezdesti. 5 bala tárbıelep, balabaqshada tárbıeshiniń kómekshisi bolyp jumys isteıtin kópbalaly ana T.Bekberdınovanyń páterinde bolǵan Premer-Mınıstrdiń orynbasary ataýly áleýmettik kómektiń jańa tetigin túsindirdi, oǵan sáıkes bul otbasy endi aı saıyn 141 125 teńge alatyn bolady. Onan ózge G.Ábdiqalyqova azamattardy jeke qabyldady. Atap aıtqanda, S.Turashtyń ótinishi qanaǵattandyryldy, ol óz úıinde tigin isin ashqysy keledi jáne qarjylandyrýǵa muqtaj. Óńir basshylyǵyna 505 myń teńge kóleminde óteýsiz grant berý máselesin sheshý tapsyryldy. Mal sharýashylyǵymen aınalysýǵa sheshim qabyldaǵan S.Kúmisbek shaǵyn nesıe berýdi surady. Bul másele de oń sheshimin taýyp, oblys basshylyǵy oǵan shaǵyn nesıe bóletin boldy. Jumys tobynyń basqa músheleri oblys aýdandary boıynsha saparlady.

 

«Túrkistan-aqparat»

Sońǵy jańalyqtar