18 Sáýir, 16:06 390 0 Qoǵam Dınara MYŃJASARQYZY

Bıbigúl Jeksenbaı – «Astana»telearnasynyń bas dırektory

 «Nur Otan» partııasy Tóraǵasynyń birinshi orynbasary Máýlen Áshimbaev «Astana»telearnasynyń ujymyna jańa bas dırektordy tanystyrdy. Bul qyzmetke belgili telejýrnalıst, bilikti maman Bıbigúl Jeksenbaı taǵaıyndaldy.

Bul týraly Maýlen Ashımbaev óz Facebook paraqshasynda habarlady. Bıbigúl Jeksenbaı Ál-Farabı atyndaǵy Qazaq Ulttyq ýnıversıtetiniń jýrnalıstıka fakýltetin támamdaǵan. Sondaı-aq bıznes-basqarý magıstri. Eńbek jolyn qatardaǵy korrespondentten bastap elimizdegi iri buqaralyq aqparat quraldarynyń top-menedjerine deıin kóterildi. Atap aıtqanda, «Habar» agenttiginde, «Qazaqstan» ulttyq telearnasynda jáne «Jetinshi arnada» eńbek etti, sondaı-aq, «Bas redaktorlar klýbynyń» prezıdenti retinde jaýapty qyzmet atqardy.

«Bıbigúl Nurǵalıqyzy kóptegen telejobalar men derekti fılmderdiń avtory jáne «Bas redaktorlar klýbynyń» prezıdenti retinde de óziniń joǵary uıymdastyrýshylyq qabiletin kórsetti. Qandaı qyzmette bolsa da tek talantty jýrnalıst, myqty medıa-menedjer, kásibı maman jáne bilikti basshy retinde ǵana tanyldy. Sondyqtan Bıbigúl Jeksenbaı jańa qyzmette de belsendilik tanytyp, «Astana» telearnasynyń odan ári damýyna tyń serpin beredi dep senemiz. Sol jolda Bıbigúl Nurǵalıqyzyna jáne barsha telearna ujymyna shyǵarmashylyq tabys pen sarqylmas shabyt tileımin!», – dedi Máýlen Áshimbaev.

Sońǵy jańalyqtar