17 Sáýir 2019, 23:25 630 0 Bilim Dınara MYŃJASARQYZY

Stýdentter bıootyn alýdyń tyń jolyn tapty

Qazaq ulttyq qyzdar pedagogıkalyq ýnıversıtetiniń Jaratylystaný fakýltetiniń stýdentteri ósimdik maıynan bıootyn alýdyń tıimdi joldaryn oılap tapty. Bul týraly oqý ornynyń Baspasóz jáne qoǵammen baılanys bólimi habarlady.

Nazerke Halel men Mýnısa Saıdıganıevanyń «Kúnbaǵys maıynan bıootyn alýdyń mańyzy» taqyrybyndaǵy ǵylymı jobasy alǵash ret «Farabı álemi» atty jas ǵalymdar men stýdentterdiń halyqaralyq konferenııasynda  tanystyryldy.

Ǵylymı joba avtorlarynyń aıtýynsha, bıootynnyń paıdasy men mańyzy zor ári qorshaǵan ortaǵa tıgizetin zııany az.

– Tabıǵı qorlar men nergetıkalyq resýrstardyń sarqylý múmkindigi paıda bolǵannan keıin adamzat olardy únemdeýge jáne balamaly qýat kózderin oılap tabýǵa tyrysýda. Sońǵy jyldary álemniń birqatar damyǵan elderinde bıootyn óndirý qarqyndy túrde damyp keledi. Bul beker emes. Sebebi, bıootyn – jańartylǵan nergııanyń kózi, kologııalyq máselelerdi sheshýdiń tıimdi joly. Ári arzan jáne qoljetimdi. Ýaqyt ótken saıyn damyp kele jatqan qoǵam munaı men kómir ónimderinen góri adamǵa da, qorshaǵan ortaǵa da paıdaly otyn túrin qoldanǵandy jón kóredi. Sol sebepti de biz osy ǵylymı-zertteý jobasyn júzege asyrýdy jón kórdik, – dep atap ótti stýdentter.

Ál-Farabı atyndaǵy Qazaq ulttyq ýnıversıtetinde ótken dástúrli jıynda Qyzdar ýnıversıtetiniń bilimgerleriniń jobasy qazylar alqasy tarapynan joǵary baǵalanyp, úshinshi orynǵa ıe boldy.

– Búginde jas ǵalymdar «Hımııa» mamandyǵy boıynsha bilim alady. Bul olardyń ǵylym jolyndaǵy alǵashqy jetistigi. Stýdentter tyń jobany aldaǵy ýaqytta Jaratylystaný fakýltetiniń bazasyndaǵy zerthanada jetildirip, bolashaqta Start up jobalarǵa qatysýdy josparlap otyr, – deıdi stýdentterdiń ǵylymı jetekshisi, Hımııa kafedrasynyń oqytýshysy Gúlsara Aqanova.

Osy oraıda aıta keteıik, qorshaǵan ortaǵa zııansyz otyndy óndirýshi elderdiń sany jyl ótken saıyn artyp keledi jáne otyndy óndirý kólemi sońǵy ýaqytta ósip otyr. Ádette bıootyn túrli ósimdikterden alynady. Aıtalyq osy otyndy eń kóp óndiretin Brazılııa qant qamysynan alsa, AQSh-ta ony júgeriden óndiredi. Árıne, atalǵan otyn túrin óndirýge degen Qazaqstannyń da ynta-yqylasy Eýropa elderinen kem emes. Qazaqstan bıotanoldy óndirý isine ksportqa baǵyttalǵan taýar retinde basymdyq berip otyr. Budan buryn elimiz óndirgeli otyrǵan bıotanoldy bıdaıdan alatyny belgili bolǵan-tyn.

Sońǵy jańalyqtar