17 Sáýir, 21:42 375 0 Bilgenge marjan Dınara MYŃJASARQYZY

Túrgesh teńgeleri Túrkistan mańynan tabyldy

Buǵan deıin Túrgesh teńgeleri Taraz qalasynan tabylǵany habarlanǵan edi. Al jaqynda túrgesh teńgesi Túrkistan oblysyna qarasty Kúltóbe qalashyǵy mańynan tabyldy.  

Qazaq ǵylymı-zertteý mádenıet ınstıtýtynyń habarlaýynsha, bul kóne qalanyń bir ǵana dáýir jasamaǵanyn aıǵaqtaıdy. Teńge qoladan soǵylǵan jáne jyl basynan beri tabylǵan qundy artefakt qataryna kiredi. «Biz tapqan teńgeniń birinde VIII ǵasyr dep jazylǵan. Onyń bir jaǵyna  «Túrgeshtik qaǵan myrza» delinse, ekinshi jaǵyna rýna álipbıin tańbalaǵan túrgesh belgisi jazylǵan. Teńge qoladan jasalǵan» deıdi arheolog Serik Aqylbek. «Bul tabylǵan qundy jádiger qalanyń shyn máninde saýda ortalyǵy bolǵanyn jáne Shyǵys pen Batysty jalǵastyryp turǵan Uly Jibek jolynyń bir beketi ekenin dáleldeıdi. Budan keıingi qazba jumystary da Kúltóbeniń tarıhqa baı qala ekenin aıǵaqtaı túsetin dúnıeler tabylatynyna senimim mol», - dedi  Qazaq ǵylymı-zertteý mádenıet ınstıtýtynyń bas dırektory, PhD doktory Andreı Hazbýlatov.

Qazirgi kezde jalpy kólemi 2 myń sharshy metr aýmaq qazyldy. Nátıjesinde dinı joralǵylardy jasaıtyn ǵımarat, tandyr peshi bar turmystyq bólme, túrli ydys-aıaqtyń synyqtary, balalar oıynshyqtary, teńgeler tabyldy. Sonyń ishinde eń mańyzdysy – Q.A.Iasaýı kesenesin qaptaýǵa paıdalanylǵan óńdegish plıtkalar. Bul Kúltóbe qalashyǵynda osy plıtkalardy óndiretin sheber oryndary bar ekenine dálel. QR Mádenıet jáne sport mınıstrligi Kúltóbe qalashyǵynan arheologııalyq park ashyp, aspan astyndaǵy mýzeıge aınaldyrýdy kózdeıdi. Al Qazaq ǵylymı-zertteý mádenıet ınstıtýty bıylǵy jyldyń kúzinde qalanyń alǵashqy kspozıııalyq bóligin ashýdy josparlap otyr. Al arheologııalyq parkti ashý jónindegi jumystardy tolyq júzege asyrý isi 2021 jylǵa kózdelgen.

Sońǵy jańalyqtar