17 Sáýir 2019, 18:08 658 0 Ishki saıasat Dınara MYŃJASARQYZY

Túımebaev trenıngke qatysty

Búgin 2019 jylǵy 16 sáýirde Nur-Sultan qalasynda Qazaqstan halqy Assambleıasy Tóraǵasynyń orynbasary – Hatshylyq meńgerýshisi  Janseıit Túımebaevtyń qatysýymen QR Prezıdentiniń janyndaǵy Memlekettik basqarý akademııasynda «PRodvıgaı sebıa» ózin-ózi ilgeriletý, ózindik marketıng jáne pıar jasaý strategııalary boıynsha trenıng ótti. 

Is-sharaǵa QHA-nyń «Jańǵyrý joly» respýblıkalyq jastar qozǵalysynyń músheleri,  «Qazaqstannyń 100 jańa esimi» jobasynyń jeńimpazdary, EMB  jastar qanattarynyń kóshbasshylary, belgili blogerler jáne belsendi jastar qatysty.

Trenıngti júrgizip otyrǵan QHA «Jańǵyrý joly» respýblıkalyq jastar qozǵalysynyń tóraǵasy Maksım Spotkaı is-sharany bastaý úshin Qazaqstan halqy Assambleıasy Tóraǵasynyń orynbasary – Hatshylyq meńgerýshisi J.Túımebaevqa sóz berdi.

Qatysýshylarǵa arnaǵan sózinde QHA  Tóraǵasynyń orynbasary
9 maýsym kúni ótetin kezekten tys prezıdenttik saılaýdyń mańyzdylyǵyn atap kórsetti. Spıker prezıdenttik saılaýdyń qoǵamdyq kelisim  men jalpyulttyq birlikti nyǵaıtýǵa yqpal etetinine senim bildirdi.

Hatshylyq meńgerýshisi Elbasynyń Jastar jylyn ashý kezinde Úkimetke naqty tapsyrmalar bergenin jáne qazaqstandyq jastarǵa úlken senim artqanyn eske aldy. Bul tapsyrmalarda jastardy qoljetimdi ári sapaly bilimmen, jumyspen, baspanamen qamtamasyz etý jáne otbasyn qurýǵa múmkindik týǵyzý máselesin alǵa tartqan bolatyn.

Janseıit Qanseıituly atap ótkendeı, Assambleıa bıylǵy jyly óz qorjynyn jańa jobalarmen tolyqtyrǵanyna toqtalyp,  Elbasynyń «Qazaqstannyń 100 esimi» jobasy ártúrli ult ókilderinen shyqqan tabysty jastardyń basyn qosqanyn atap kórsetti.

«Jastarymyz ózderin zaman aǵymyna saı jeke tulǵa retinde qalyptastyryp, óz ıdeıalary men jobalaryn laıyqty júzege asyra alatynyna senimdimin»,- dedi J.Túımebaev.

Is-sharada «Rodına»  selolyq okrýginiń ákimi Bella Gazdıeva aýyl jastaryn qoldaý jáne damytý jónindegi oılaryn ortaǵa salyp,

jastar saıasatyn damytýǵa úles qosatynyn jetkizdi.

«Pıfagor» mektebiniń negizin qalaýshy Asan Joldasov pen  jeke kásipker Larıon Lıan óz kásibin Qazaqstanǵa tanymal etý tájirıbesi týraly áńgimeledi. Trenıng sońy suraq-jaýap túrindegi erkin pikir almasýǵa ulasty.

Sońǵy jańalyqtar