17 Sáýir, 11:01 322 0 TURKYSTAN.KZ

Tokıo-2020 jarys kestesi

17 cáýir – «TÚRKISTAN» weekly. 2020 jylǵy Tokıo Olımpıadasynyń uıymdastyrý komıteti jarys kestesin jarııalady.

Búgin QR Ulttyq olımpıadalyq komıteti tórt jyldyq basty dodanyń jarys kestesin resmı saıtynda jarııalady.

Onda «2020 jyldyń 24 shildesi men 9 tamyzy aralyǵynda uıymdastyrylatyn dúbirli synda sporttyń 33 túrinen 339 sporttyq oqıǵa ótedi dep josparlanýda. Bul rekordty kórsetkish», - dep atap ótilgen.

Habarlamada aıtylǵandaı, Olımpıada oıyndarynda ádettegideı fýtbol dodasy erte bastalady. Iaǵnı, 22 shilde kúni beısbol men fýtboldan tusaýkeser matchtar ótedi.

Ashylý saltanaty ótetin kúni eskek esý men sadaq atýshylar jarysy josparlanǵan.

Al Olımpıadanyń alǵashqy júldeler jıyny 25 shilde kúni óz ıesin tappaq.

Jergilikti ýaqytpen 8:30-da áıelder arasynda 10 metrge pnevmatıkalyq vıntovkamen oq atýdan jeńimpazdar anyqtalady.

Sondaı-aq, 6 sport túrinen qatysýshylar júldege talasyp, sadaq atý, velojarys, semserlesý, dzıýdo, taekvondo jáne aýyr atletıkadan jalpy esebi 11 medal jıyntyǵy sarapqa salynady.

Áıelder men erler arasyndaǵy 3h3 basketbol básekesi 25 shilde kúni bastalady.

Skeıtbordıng 26 jáne 27 shildege josparlanǵan.

1 jáne 2 tamyz kúnderi eń kóp júlde taratylady.

Senbi, 1 tamyz kúni jalpy esebi 21 sporttyq báseke josparlanǵan.

Olımpıada oıyndaryna alǵash ret engen dzıýdodan aralas komandalyq syn, trıatlon men atýdan aralas komandalyq básekeden sol kúni Olımpıada chempıondaryn anyqtaımyz.

Jeksenbi, 2 tamyz kúni júgirýden áıelder arasyndaǵy marafon, 100 metrge jarysýdan erler arasyndaǵy fınal, erler men áıelder arasyndaǵy sporttyq gımnastıka básekesiniń fınaly, sondaı-aq, tennısten erler arasyndaǵy týrnırdiń aqtyq syny ótedi.

Atalǵan jarys kúninde semserlesý men júzýden sońǵy medaldar jıyntyǵy taratylady.

Jabylý saltanatynan bir kún buryn, ıaǵnı, 8 tamyz kúni 30 fınaldyq básekeniń kýágeri atanamyz.

Bul Olımpıada oıyndaryndaǵy eń tartysqa toly kún bolmaq.

Fýtbol men beısboldan, basetbol men taǵy da kóptegen sport túrlerinen Olımpıada jeńimpazdary men júldegerleri anyqtalady.

Olımpıadanyń sońǵy jarys kúni erler arasyndaǵy marafonnan bastalady. Tap osy kúni Tokıo kóshelerinde halyq kóbeıip, tórtjyldyq dodasy máresine jetedi.

Tokıo Olımpıadasynyń eń sońǵy altyn júldesin sý dobynan erler komandasy sarapqa salady.

Sońǵy jańalyqtar