16 Sáýir, 15:48 442 0 Ishki saıasat TURKYSTAN.KZ

Álibek Áldeneı jańa qyzmetke taǵaıyndaldy

16 cáýir – «TÚRKISTAN» weekly. Álibek Áldeneı Almatynyń Qoǵamdyq damý basqarmasynyń basshysy atandy.

Ol ál-Farabı atyndaǵy Qazaq ulttyq ýnıversıtetiniń jáne Qazaqstan Respýblıkasy Prezıdenti janyndaǵy memlekettik basqarý Akademııasynyń túlegi.

Álibek Áldeneı ár jyldary Mádenıet jáne aqparat mınıstrliginde, «Halyqaralyq baǵdarlamalar ortalyǵy» AQ-da, «Samuryq-Qazyna» ulttyq ál-aýqat qorynda qyzmet atqarǵan.

2015 jyldan beri «Almaty» telearnasyn basqardy. Osy ýaqyt ishinde kompanııa aınalymy 3 ese ósti. Telearna alǵash ret oń qarjylyq nátıje kórsete bastady.

2018 jyldyń qorytyndysy boıynsha TNS Gallup Media Asia málimetterine sáıkes telearnanyń Almaty boıynsha kórermender aýdıtorııasy 1,5 mıllıonǵa jetse, Qazaqstan boıynsha Almaty arnasyn 5,5 mln adam kóredi. «Almaty» arnasy  el telearnalarynyń reıtıngi boıynsha aldyńǵy ondyqqa endi.

Basqarmanyń jańa basshysynyń aldynda tıimdi yqpal etý men azamattyq qoǵam ınstıtýttarynyń rólin kúsheıtý arqyly turǵyndardyń qoǵamdyq ótinishterine der kezinde ún qatý júıesin jetildirý, keri baılanystyń ozyq praktıkasyn damyta otyryp, qoǵamdy keńinen tartý deńgeıin arttyrý jáne konsýltatıvti-keńes berý tuǵyrnamasyn jetildirý sııaqty mindetter tur.

Sońǵy jańalyqtar