16 Sáýir, 16:25 376 0 Bilim TURKYSTAN.KZ

QazUÝ-da alma baǵy ashyldy

Ál-Farabı atyndaǵy QazUÝ-da Naýryz meıramyn zor yqylaspen atap ótti! Dıplomatııalyq korpýs jáne halyqaralyq uıymdar ókilderimen birge alma baǵy otyrǵyzyldy. Aýqymdy shara «Rýhanı jańǵyrý» baǵdarlamasynyń eki jyldyq jáne Elbasynyń «Uly dalanyń jeti qyry» maqalasynyń negizgi erejelerine arnaldy.

«Asqaq Alataýdyń baýraıy alma men qyzǵaldaqtyń «tarıhı otany», - dep Tuńǵysh Prezıdent N. Nazarbaev ataǵandaı, sımvolıkalyq negizde mereke alma baǵyn otyrǵyzýdan bastaldy. Oǵan Qazaqstanda tirkelgen sheteldik dıplomatııalyq mıssııalar men halyqaralyq uıymdardyń ókilderi, kórnekti qoǵam qaıratkerleri men ǵalymdar, ardagerler men ár jyldardaǵy túlekter, mass-medıa ókilderi, oqytýshylar, stýdentter jáne olardyń ata-analary qatysty. Olar túrli suryptan 300-den astam alma aǵashtaryn, sondaı-aq kampýs alleıasynda baǵaly jáne sándik aǵashtaryn otyrǵyzdy.

QazUÝ rektory akademık Ǵalym Mutanov ýnıversıtettiń stýdentteri men shyǵarmashylyq ujymy daıyndaǵan teatrlandyrylǵan qoıylymdy asha otyryp, Naýryzdy halyqaralyq deńgeıde ataý jaqsy dástúrge aınalǵanyn atady. «Biz merekemizdi «Rýhanı jańǵyrý» qoǵamdyq sanany jańǵyrtý kólemdi baǵdarlamasynyń eki jyldyǵyna arnadyq jáne ony jańa jetistiktermen qarsy alyp otyrmyz. QazUÝ Qazaqstannyń joǵary bilim berý flagmany retinde álemdik sanattaǵy zertteý ýnıversıtetine aınalý jolynda senimdi qadam basyp keledi. Ýnıversıtet 4.0 modelin sátti júzege asyra otyryp, myńdaǵan ujym joǵary nátıjelerge, sonyń ishinde halyqaralyq deńgeıdegi jetistikterge qol jetkizedi», - dedi rektor qonaqtardy qarsy ala. Ol barlyǵyna kóktemgi jáne merekelik kóńil-kúı, amandyq, jumysta jáne oqýda tabys tiledi.

Stýdentter saraıynyń aldynda Elbasynyń «Uly dalanyń jeti qyry» maqalasynyń jelisinde mýzykalyq-teatrlandyrylǵan qoıylym boldy. Ýnıversıtettiń shyǵarmashylyq ujymy qazaq dalasyndaǵy uly jetistikterdi kórsetti, atap aıtar bolsaq atta júrý mádenıeti, ejelgi metallýrgııa jáne ań stıli, Altyn adam jáne Uly Jibek joly, Qazaqstan túrki áleminiń besigi – uly oıshyldar men ǵalymdardy jáne alma aǵashtary men qyzǵaldaqtar otany atty qoıylymdar sherýi kórsetildi. Jınalǵan kópshilik qaýymǵa «Tusaý keser», «Shashý», «Qyz uzatý», jáne t.b. qazaqtyń ádet-ǵuryptary men salt-dástúrleri kórsetildi. Osynaý bir keremet qoıylym kerýen sherýimen jáne Qydyr-atanyń bata sózderimen aıaqtaldy!

Kampýs aýmaǵynda 25 kıiz úıden tnoaýyl quryldy. Mereke qonaqtary ulttyq taǵamdardan dám tatty, kıiz úılerdi aralady, altybaqanda terbeldi. Shaǵyn aýdannyń qonaqtaryna 500 kg. baýyrsaq, 200 kg. palaý jáne 700 lıtr naýryz kóje daıyndaldy. Uldar men qyzdar ulttyq ánder aıtýdan jarysty, mýzykalyq aspaptarda oınap, án shyrqady. Sonymen qatar kúshti ári batyl jigitter ulttyq sport túrlerine qatysyp, óz baqtaryn synap kórdi. Sondaı-aq qoldanbaly óner sheberleriniń týyndylary, kádesyılar men kitap jármeńkesi de jumys jasady.

Tgter Almaty QazUÝ

Sońǵy jańalyqtar