16 Sáýir 2019, 12:10 876 0 Nur Otan TURKYSTAN.KZ

Álııa Bórıeva jańa qyzmetke taǵaıyndaldy

16 cáýir – «TÚRKISTAN» weekly. Búgin «Nur Otan» partııasy Tóraǵasynyń Birinshi orynbasary Máýlen Áshimbaev «NUR-Medıa» holdınginiń jańa basshysyn tanystyrdy. Bul qyzmetke belgili jýrnalıst Álııa Bórıeva taǵaıyndaldy.

«Nur Otan» partııasy Tóraǵasynyń Birinshi orynbasary ujymǵa jańa bas dırektordy tanystyrǵanyn Facebook paraqshasynda jarııalady. Sondaı-aq  Máýlen Áshimbaev: «Álııa óziniń kásibı mansabyn Shymkent qalasynda júrip, «Otyrar» telearnasynan bastady. KTK, «Qazaqstan», «Astana» telearnalarynda jumys istedi. Túrli memlekettik mekemelerdiń baspasóz qyzmetinde eńbek etti. 2006 jyldan bastap Nur Otan partııasynyń ortalyq apparaty men Nur Medıa holdınginde eleýli ister atqardy. Osy ýaqyt aralyǵynda Álııa óziniń jaýapty, kásibı medıa-menedjer ekenin dáleldedi», – dep jazdy.

Quramyna «TÚRKISTAN», «AIKYN», «Lıter», «Qazaqstan Temirjolshysy» gazetterin, «Astana» telearnasy men «RadioNS», «OrdaFM» radıolaryn biriktiretin «NUR-Medıa» elimizdegi eń beldi, bedeldi holdıngter qatarynda.

Buǵan deıin bul qyzmetti Lázzat Tanysbaı atqardy.

Sońǵy jańalyqtar