16 Sáýir 2019, 11:33 575 0 Bilgenge marjan TURKYSTAN.KZ

Jastar jylyndaǵy jańa asýlar

Teatr óneri tazalyqty, kirshiksizdikti  talap etedi. Teatrda oınaý bir basqa, kórermendermen úńdestik tabý bir basqa dúnıe. San túrli taǵdyrlardy, obrazdardy somdap ómir kórinisin shaǵyn ǵana sahna tórinde tarqatyp, sher tolǵaý sheberlikti talap etetini belgili. Myqtylardyń ishindegi myqtycy kórermenderdiń júregin tebirentip, ystyq yqylasyna bóletini zańdylyq.

Teatr ónerin nasıhattaý, saraptap saralaý asa mańyzdy. Osy mańyzdylyqty uǵynǵan S.Amanjolov atyndaǵy  Shyǵys Qazaqstan memlekettik ýnıversıtetiniń bastamasymen jastar jylyna oraı Óskemen qalasynda «Uly óner – ult jańǵyrýy» atty respýblıkalyq stýdenttik teatrlar festıvali bolyp ótti.

Mádenı sharaǵa elmizdiń túkpir-túkpirinen kelgen 12 stýdentter teatry qatysyp baq synady. Eki kúnge sozylǵan  dúbirli dodaǵa "Altaı" arnasynyń dırektory Aıda Jabaǵıeva, Dıdar gazetiniń tilshisi Murathan Kenjehanuly, teatrtanýshy Oljas Manapuly, ShQO drama teatrynyń  kórkemdik jetekshisi bastaǵan Saqan Doldıuly qazylyq etip júzden júırik,  myńnan tulpar anyqtaldy.

Bas júlde Nurfat Vahıtov jetekshilik etken   Nur-Sultan qalasynyń S. Seıfýllın atyndaǵy Qazaq agrotehnıkalyq ýnıversıtetiniń «Aq jelken» teatryna berilse,  1 oryn  Ǵalııa Temirbaeva jetekshilik etken Taldyqorǵan qalasynyń  I. Jansúgirov atyndaǵy Jetisý memlekettik ýnıversıtetiniń «Jas túlek»  teatryna  tabystaldy. Al 2 oryndy Janserik Sadyqov jetekshilik etken Gýmılev atyndaǵy  Eýrazııalyq ulttyq ýnıversıtetiniń «Shańyraq» teatry jáne Maıra Álimbekova jetekshilik etken Taraz memlekettik pedagogıkalyq ýnıversıteniń «Jansaraı» teatrlary qanjyǵalady. 3 oryn  Aıman Aqtanova jetekshilik etken Shákárim atyndaǵy  Semeı memlekettik ýnıversıtetiniń «Qaragóz» drama teatryna sondaı-aq Jámıla Qaıypberdi jetekshilik etken Almatylyq Turan ýnıversıteniń «TeArt Turan» teatryna jáne de Taraz ınnovaııalyq gýmanıtarlyq ýnıversıtiniń «TIGÝ Jastar teatry» teatryna buıyrdy.

Sondaı-aq aq, úzdik ártisterge atalymdar boıynsha dıplomdar tabystaldy: "Úzdik er adam róli" atalymy boıynsha S.Amanjolov atyndaǵy Shyǵys Qazaqstan Memlektettik Ýnıversıteti   Jýmabaıev Júrsin Óskemen qalasy Shabyt teatry ıelense "pızotdaǵy úzdik er adam róli "  boıynsha   Nuráli Nurbolatuly Lev Gýmılev atyndaǵy Eýrazııa ulttyq ýnıversıteti Nur-Sultan qalasy "Zhas Star" teatry qanjyǵalady.. Seıdalıeva Gúlbıbi "pızotdaǵy úzdik áıel adam róli" S.Amanjolov atyndaǵy Shyǵys Qazaqstan Memlektettik Ýnıversıteti Óskemen qalasy Shabyt teatry laıyq dep tanylsa   Baıan Sanatqyzy "Úzdik áıel róli" Lev Gýmılev atyndaǵy Eýrazııa ulttyq ýnıversıteti Nur-Sultan qalasy "Zhas Star" teatryna buıyrdy. Jastar jyly aıasynda ótken teatr festıvalinde jastar  jańa asýlardy baǵyndyrdy.

 Qabdýálı Sáýlet

Sońǵy jańalyqtar