16 Sáýir 2019, 10:28 662 0 Qoǵam TURKYSTAN.KZ

Ózbekstanda Qazaqstan jylynyń saltanatty ashylý rásimi ótti

16 cáýir – «TÚRKISTAN» weekly. Ózbekstandaǵy Qazaqstan jylynyń ashylý rásimi bastalar aldynda memleketter basshylary Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń «Uly dalanyń jeti qyry» maqalasynyń negizgi mazmunyn ashýǵa arnalǵan «Uly dala murasy» atty kórmeni aralady dep habarlaıdy Aqordanyń resmı saıty.

Kórmege Qazaqstan Respýblıkasy Ulttyq mýzeıiniń qoryndaǵy elimizdiń ejelgi óner týyndylary, sonyń ishinde Esik qalasynan tabylǵan altyn adam, Berel qorǵandarynan tabylǵan attar men at ábzelderiniń qalpyna keltirilgen nusqalary, «Taqsaı Hanshaıymy», «Áziret Sultan» memlekettik tarıhı-mádenı qoryq-mýzeıiniń biregeı ksponattary qoıylǵan.

Qazaqstan Prezıdenti Qasym-Jomart Toqaev saltanatty rásimde sóılegen sózinde Ózbekstan Respýblıkasynyń Prezıdenti Shavkat Mırzııoevke jáne ózbek halqyna jyly qarsy alyp, qonaqjaılyq kórsetkeni úshin rızashylyǵyn bildirdi.

– Bizdi tilimizdiń birligi, dinimiz, ortaq tarıhymyz ben birtutas taǵdyrymyz biriktiredi. Halyqtarymyz – Ortalyq Azııadaǵy ejelgi ári uly órkenıettiń murageri. Biz dástúrimizdi, babalarymyzdyń qundylyqtary men mádenı-tarıhı muralaryn saqtap qaldyq. Sonymen qatar, kóptegen qıyn synaqtardy bastan ótkerdik, – dedi Memleket basshysy.

Qasym-Jomart Toqaev Qazaqstan men Ózbekstan arasyndaǵy strategııalyq áriptestik pen jemisti yntymaqtastyqtyń qazirgi kezeńdegi joǵary deńgeıge kóterilgen tarıhı dostyqtyń qısyndy jalǵasy ekenin aıtty.

– Shekara mańyndaǵy yntymaqtastyq nyǵaıyp, taýar aınalymy ósip keledi. Búginde Qazaqstan-Ózbekstan qarym-qatynastarynda sheshilmegen eshqandaı másele joq ekenin naqty aıta alamyn. Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev pen qurmetti Prezıdent Shavkat Mırzııoevtiń arqasynda qazaq-ózbek qatynastary joǵary deńgeıge kóterildi, – dedi Qazaqstan Prezıdenti.

Memleket basshysy Uly Abaıdyń qazaqtarǵa baýyrlas ózbek halqynyń eńbekqorlyǵyn, qaıyrymdy isteri men qarapaıymdylyǵyn úlgi etip, úırenýge shaqyrǵanyn aıtyp, Ózbekstan basshylyǵyna qazaq mádenıetin qoldaǵany úshin rızashylyǵyn bildirdi.

– Prezıdent Shavkat Mırzııoevtiń «Qazaqtyń Uly aqyny hám oıshyly Abaı Qunanbaevtyń shyǵarmashylyq murasyn keńinen oqý men nasıhattaý týraly» qaýlysy aıasynda atqarylǵan aýqymdy sharalar úshin rızashylyǵymdy bildiremin, – dedi Qasym-Jomart Toqaev.

Memleket basshysy Qazaqstandaǵy ózbek dıasporasyn qoldaý sharalaryna jeke toqtaldy.

– Biz óz elimizde ómir súrip jatqan ózbek halqynyń rýhanı, áleýmettik qajettilikterin tolyq qanaǵattandyrý úshin jan-jaqty sharalar jasap jatyrmyz. Qazaqstannyń barlyq derlik óńirinde ózbek tnomádenı ortalyqtary ashylǵan. Ózbek tili Qazaqstannyń medıa salasynda, bilim júıesinde jáne mádenı ómirinde ornyn alǵan. Eki ózbek teatry tabysty jumys isteýde, – dedi Qasym-Jomart Toqaev.

Qasym-Jomart Toqaev birlesken 200-den astam sharany qamtyǵan Qazaqstandaǵy Ózbekstan jyly ekijaqty baılanystyń nyǵaıýyna yqpal etkenin atap ótip, Shymkentte ótken alǵashqy Óńiraralyq forýmǵa erekshe toqtaldy.

– Eki jaqty taýar aınalymyn 5 mıllıard dollarǵa jetkizý týraly maqsatymyzǵa birtindep jaqyndap kelemiz. Kólik qatynastarynyń qarqynyn arttyrý boıynsha jumystar júrgizilýde. Bizdiń elderimizdiń kólik-logıstıkalyq ınfraqurylymdarynyń damýy Eýropa men Azııa naryqtaryna shyǵýǵa múmkindikter ashady, – dedi Qazaqstan Prezıdenti.

Memleket basshysy Ózbekstandaǵy Qazaqstan jyly eki el qarym-qatynasy úshin ǵana emes, tutas Ortalyq Azııada ózara túsinistik jáne senim atmosferasynyń qalyptasýy úshin mańyzy bar aıtýly oqıǵa ekenin atap ótti.

– Ortalyq Azııanyń tabysty konomıkalyq damýy, turaqtylyǵy men qaýipsizdigi, negizinen, Qazaqstan men Ózbekstannyń tyǵyz yqpaldastyǵy men kelisilgen is-áreketterine baılanysty. Shuǵyl túrde túrki dúnıesiniń ǵana emes, álemdik mádenıettiń maqtanyshyna aınalǵan bizdiń elderimizdiń basty rýhanı jáne tarıhı ortalyqtaryn bir birimen baılanystyratyn Túrkistan, Samarqand, Buharany bir baǵytqa qosatyn týrıstik klaster ashýdy usynamyn, – dedi Memleket basshysy.

Qazaqstan Prezıdenti sóziniń sońynda ata-babalarymyz mura etip qaldyrǵan qazaq-ózbek halyqtarynyń dostyǵy men birligin saqtaý qazirgi urpaqtyń ortaq paryzy ekenin atap ótip, Ózbekstandaǵy Qazaqstan jylyn ashyq dep jarııalady.

Saltanatty rásim Álibek Dinishev, Aıman Musahodjaeva, Medet Shotabaev, Nurlan Bekmuhambetov, Dımash Qudaıbergenov, Marııa Mýdrıak syndy Qazaqstan óneriniń qaıratkerleri men sahna sheberleri, shyǵarmashylyq ujymdarynyń qatysýymen ótken gala-konertpen qorytyndylandy.

Ózbekstandyq kórermender nazaryna M.Tólebaevtyń «Birjan-Sara» operasynan úzindi, «Astana Ballet» teatrynyń horeografııalyq kompozıııasy, «Saltanat» QR memlekettik bı ansambliniń, K.Kýjamıarov atyndaǵy Memlekettik respýblıkalyq akademııalyq uıǵyr teatrynyń jáne Memlekettik respýblıkalyq akademııalyq koreı teatrynyń oryndaýyndaǵy qoıylymdar usynyldy.

Sońǵy jańalyqtar