16 Sáýir 2019, 10:09 707 0 Din Dınara MYŃJASARQYZY

Parıjdegi shirkeý órtendi

Parıj qalasyndaǵy Qudaı ana shirkeýi otqa orandy. Oqys oqıǵaǵa kýá bolǵandardyń Twitter paraqshasyna jarııalanǵan fotolary men vıdeolarynda shirkeýdegi órttiń aýqymyn baıqaýǵa bolady.

Resmı málimetterge súıensek, qazirgi ýaqytta tilsiz jaýmen tynymsyz kúres júrip jatyr. Franýz astanasynyń basty sımvoldarynyń biri sanalatyn Parıj ortalyǵyndaǵy katolıktik shirkeýdiń aýmaǵyn jaýapty qyzmetter qorshaýǵa alǵan. Kóp uzamaı Qudaı ana shirkeýindegi alapat órt sóndirildi. «Órt sóndirildi. Qazir ǵımarattyń qyzyp turǵan qabyrǵalaryn salqyndatýǵa kúsh salyp jatyrmyz, órttiń qaıta tutanbaıtynyna kóz jetkizemiz», - delingen órt sóndirýshilerdiń habarlamasynda. Órt sóndirýshilerge silteme jasaǵan Le Parisien gazetiniń jazýynsha, órt tek «ishinara sóndirilgen». Eske sala keteıik, Notr-Dam de Parı soborynda 15 sáýir kúni jergilikti ýaqytpen 18:50-de órt shyqqan bolatyn. Aldyn ala derekterge qaraǵanda, órt shirkeýdiń ústińgi bóligindegi jóndeý jumystary kezinde tutanǵan bolýy múmkin.

Sońǵy jańalyqtar