16 Sáýir, 10:00 323 0 Bilim Dınara MYŃJASARQYZY

2019 jylǵy bilim granttary taǵaıyndaldy

2019 jyldan bastap bilim berý granttary maýsym aıynda ótkiziletin UBT sertıfıkatynyń baldaryna sáıkes konkýrstyq negizde beriletin bolady, dep habarlaıdy QazAqparat QR Bilim jáne ǵylym mınıstrliginiń saıtyna silteme jasap.

Bilim berý granttary bilim berý baǵdarlamalarynyń toptary boıynsha beıindik pánder kombınaııasyna sáıkes bólinetin bolady. Bilim berý baǵdarlamalarynyń tobyna joǵary oqý ornynyń bir nemese birneshe bilim berý baǵdarlamalary kiredi. Barlyǵy 97 bilim berý baǵdarlamalarynyń toby bar. Beıindik pánder kombınaııasy sáıkes kelgen jaǵdaıda, Sizge bilim berý grantyn taǵaıyndaý konkýrsynda tórtke deıin bilim berý baǵdarlamalarynyń tobyn tańdaý múmkindigi beriledi. Mysaly, «Bıologııa» + «Hımııa» beıindik pánder kombınaııasymen Siz: 1) «Hımııa muǵalimderin daıarlaý»; 2) «Bıologııalyq jáne sabaqtas ǵylymdar»; 3) «Veterınarııa»; 4) «Jalpy medıına» sııaqty bilim berý baǵdarlamalary toptaryn tańdaı alasyz. Eger Siz shyǵarmashylyq daıarlaýdy talap etetin bilim berý baǵdarlamasy tobyn tańdasańyz, bilim berý grantyn taǵaıyndaý konkýrsynda Sizge bir bilim berý baǵdarlamalarynyń tobyn tańdaý múmkindigi beriledi. Mysaly, «Shyǵarmashylyq emtıhan» + «Shyǵarmashylyq emtıhan» kombınaııasymen Siz «Bastapqy áskerı daıyndyq muǵalimderin daıarlaý» sııaqty bir bilim berý baǵdarlamalarynyń tobyn tańdaı alasyz. Bilim berý baǵdarlamalary toptarynyń tizimi Ulttyq testileý ortalyǵynyń saıtynda jarııalanǵan (https://www.testcenter.kz/ru/entrants/ent/index.php). Bilim berý baǵdarlamalary toptary bólinisindegi granttar sany bekitilgennen keıin joǵary oqý oryndary iske asyratyn bilim berý baǵdarlamalarynyń tizilimine silteme jasaı otyryp, QR BǴM jáne Ulttyq testileý ortalyǵynyń saıttarynda ornalastyrylatyn bolady. Siz grant ıegeri bola otyryp, joǵary oqý ornyna qabyldaý kezinde bilim berý baǵdarlamalarynyń tıisti tobynan naqty bilim berý baǵdarlamasyn tańdaısyz. Mysaly, «Hımııa muǵalimderin daıarlaý» bilim berý baǵdarlamalarynyń toby boıynsha grant ıegeri bola otyryp, joǵary oqý ornyna qabyldaý kezinde Siz «Hımııa» nemese «Hımııa-Bıologııa» boıynsha bilim berý baǵdarlamasyn tańdaı alasyz.

Sońǵy jańalyqtar