15 Sáýir 2019, 14:57 763 0 Qoǵam Túrkistan Gazeti

Qazaqstan men Ózbekstan basshylary birlesken málimdeme jasady

15 cáýir – «TÚRKISTAN» weekly. Qazaqstan Prezdenti Qasym-Jomart Toqaevtyń Ózbekstanǵa memlekettik sapary barysynda birqatar ekijaqty qujattarǵa qol qoıyldy.

Atap aıtqanda, bekitilgen qujattardyń arasynda QR Prezıdenti Qasym-Jomart Toqaev pen Ózbekstan Prezıdenti Shavkat Mırzııoevtiń Birlesken málimdemesi bar.

Budan bólek, eki el úkimetteri arasynda eńbek qyzmeti jáne eńbek-mıgranttary quqyqtaryn qorǵaý kelisimine, sondaı-aq zańsyz kóshi-qonmen kúres boıynsha yntymaqtastyq týraly kelisimge qol qoıyldy.

Belgili bolǵandaı, Qazaqstan men Ózbekstan syrtqy ister mınıstrlikteri arasynda 2019-2020 jyldarǵa arnalǵan yntymaqtastyq baǵdarlamasyna, eki el qorǵanys mınıstrlikteri arasynda áýe shabýylyna qarsy qorǵaný salasyndaǵy yntymaqtastyq týraly kelisimge qol qoıyldy.

Qazaqstan Qorǵanys mınıstrligi men Ózbekstan Qorǵanys mınıstrligi arasynda áskerı aerodromdarda qabyldaýdy, áýeaılaqtyq-tehnıkalyq qamtamasyz etýdi jáne áskerı áýe kemelerin qorǵaýdy uıymdastyrý týraly kelisim bekitildi.

Munymen qosa, QR Ulttyq ekonomıka mınıstrligi men Ózbekstannyń Investıııa jáne syrtqy saýda mınıstrligi arasynda «Ortalyq Azııa» Saýda Ekonomıkalyq Yntymaqtastyq Halyqaralyq Ortalyǵyn qurý máselesi boıynsha ózara qarym-qatynas jónindegi memorandýmǵa qol qoıyldy.

Sonymen qatar, QR Aqparat jáne qoǵamdyq damý mınıstrligi men Ózbekstan Mınıstrler kabıneti janyndaǵy din isteri komıteti yntymaqtastyq týraly memorandýmǵa qol qoıdy.

Sońǵy jańalyqtar