15 Sáýir 2019, 13:01 843 0 Qoǵam Dınara MYŃJASARQYZY

15 sáýir – «Qozy Kórpesh-Baıan Sulý» kúni

  Qazaqstanda búgin «Qozy Kórpesh - Baıan Sulý» kúni. Jyldaǵy dástúr boıynsha ulttyq ǵashyqtar kúni elimizde 15 sáýirde atalyp ótedi. 

Atalmysh merekeni kóbine mektep, kolledj sııaqty bilim shańyraqtary atap ótedi. Elimizde buryn ǵashyqtar kúnin kópshilik 14 aqpandaǵy «Áýlıe Valentın» kúnimen baılanystyratyn. Dese de, sońǵy jyldary ǵashyqtar merekesin «Qozy Kórpesh - Baıan sulý» kúninde toılap keń tarap keledi. Ótkenge kóz júgirtsek, bul kúndi atap ótý osydan 20 jyl buryn bastalǵan degen derekter bar. Alaıda bul kúndi «Ulttyq ǵashyqtar kúni» retinde atap ótý 2011 jyldan bastalǵany týraly da málimetter kezdesedi. 2011 jyly Almaty qalasy ákimdiginiń jastar saıasaty basqarmasy bul kúndi ózderiniń resmı sharalarynyń qataryna qosqan eken. Osy jyldan bastap-aq óńirler ǵashyqtar kúnin keń aýqymda atap óte bastady.

Al 2012 jyly Astanadaǵy S.Seıfýllın atyndaǵy Qazaq agrotehnıtkalyq ýnıversıtetiniń stýdentteri mahabbat kúnin qazaqtyń ulttyq «Aqsúıek» oıynymen jańǵyrtyp, jastar oıyn-saýyǵyn uıymdastyrdy. Almatyda bir jyldary osy mereke qarsańynda úzdik «Mahabbat juby» da belgilenip jatty. Tyńnan qosylǵan ataýly kún - ulttyq mádenıetimizge, halqymyzdyń salt-dástúrleri men adamgershilik rýhyna negizdelgen jańa turpatty mereke dástúrge aınalyp keledi. Qozy Kórpesh pen Baıan Sulý - shamamen HII-HIII ǵasyrda ómir súrgen ǵashyqtar. Sarybaı men Qarabaı ań aýlap júrip qudalasady. Bul ekeýiniń ul-qyzdary keıin mahabbat jolynda túrli qıynshylyqtardy bastan keshedi. Jaqsylyq pen jamandyq, dúnıeqońyzdyq pen kórealmaýshylyq, kek pen ashýǵa tap bolǵan qos júrek bir-birine degen názik sezimderin saqtaı bilgen.

Sońǵy jańalyqtar