15 Sáýir, 12:43 306 0 Jańalyqtar Dınara MYŃJASARQYZY

Túlekter keshi mektepte ótýi kerek

 QR Bilim jáne ǵylym mınıstri mekteppen qoshtasý keshterin ótkizýge qatysty pikir bildirdi.

"Negizi, bul másele jyl saıyn kóterilip turady. Biraq burynnan beri kele jatqan jaqsy bir dástúr bar. Ol - túlekterdiń keshin mektepte ótkizý. Ondaıda muǵalim men oqýshy arasynda salıqaly áńgimeler aıtylady, túlekterdiń ózara qarym-qatynasy da basqasha júredi. Ókinishke qaraı, sońǵy kezderi kim jáne qaıda ótkizedi, kádimgideı báseke bolyp ketti. Menińshe, túlekterdiń keshi burynǵydaı ótýi kerek. Bizdiń ata-analarymyz solaı ótkizdi. Biz de mektepte ótkizdik. Sonda naǵyz mekteppen qoshtasý keshi bolady", - dedi K.Shámshıdınova Úkimet úıinde ótken baspasóz máslıxatynda.

Mınıstrdiń aıtýynsha, kez kelgen sharada mektep te, ata-analar da balalardyń qaýipsizdigine basa nazar aýdarýy qajet. "Sol sebepti biz ondaı keshter tek mekteptiń terrıtorııasynda ǵana ótýi kerek dep sanaımyn. Artyq aqsha shashýdyń da qajeti joq. Asta-tók otyrys jasamaý kerek. Qymbat kóılek alýdyń da qajeti shamaly. Túlekter keshi ol úshin jasalmaıdy. Ózara báseke úshin jasalmaıdy. Mekteppen qoshtasý keshi janǵa jaıly kezdesý bolyp ótýi kerek. Balalar, ata-analar men muǵalimderdiń salıqaly bir otyrysy bolýy qajet", - dep atap kórsetti K.Shámshıdınova.

Sońǵy jańalyqtar