15 Sáýir, 12:41 331 0 Bilgenge marjan TURKYSTAN.KZ

Aısultan Nazarbaev tegin ózgertti. Nege?

15 cáýir – «TÚRKISTAN» weekly.

Qazaqstannyń tuńǵysh prezıdenti – Elbasy Nursultan Nazarbaevtyń jıeni Aısultan Nazarbaev feısbýktegi jeke paraqshasynda tegin Rahat dep ózgertti. Sonymen qatar jeke ómirine qatysty málimetter qatary da «ajyrasqan» dep jańarǵan.

Ondaǵy málimetke súıensek, tuńǵysh prezıdenttiń jıeni osy jyldyń 5 aqpanynda ajyrasqan.

Aısultannyń "Nazarbaev" teginen bas tartqany týraly tanymal blogerler de jelide jazyp jatyr.

Jýyrda Aısultan Nazarbaev áleýmettik jelide vıdeo jarııalap, Qaǵbany aınalyp júrgenin kórsetken bolatyn. Aısultan Rahat vıdeojazbasyna jeli qoldanýshylary bar jaqsy tilekti jaýdyryp, 500 pikir qaldyrǵan.

Aıta ketsek, Aısultan Nazarbaev – Darıǵa Nazarbaeva men Rahat Álıevtiń ekinshi uly. Ony buqaralyq aqparat quraldary kóbinese "prezıdenttiń súıikti jıeni" dep ataıdy.

1990 jyly 26 tamyzda ómirge kelgen. Bala kezden fýtbolǵa qyzyǵady.

2006 jyly Qazaqstannyń jasóspirimder quramasynyń sapynda Eýropa chempınatynyń irikteý týrnırine qatysady. "Chelsı" jáne "Portsmýt" jastar komandalary men qazaqstandyq "Astana" komandasynda oınaǵan.

2013 jyly "QazRomGaz" AQ basshysy Qaırat Boranbaevtyń qyzyna úılengen edi. Aısultannyń jary bolǵan Alıma – belgili akter Ánýar Boranbaevtyń nemeresi.

2016 jyldyń jazynda eki jastyń otbasynda Amelı esimdi qyz dúnıege keldi.

Sońǵy jańalyqtar