15 Sáýir, 10:56 278 0 Syrtqy saıasat Dınara MYŃJASARQYZY

Prezıdenttiń úlken qyzy eliniń ımıdjin kótermek

Ózbekstan prezıdenti Shavkat Mırzııaevtiń úlken qyzy Saıda Mırzııaeva aqparat jáne qoǵammen baılanys agenttigi dırektorynyń orynbasary bolyp taǵaıyndaldy.

12 sáýirde Tashkentte ótken jıynda prezıdent ákimshiliginiń jetekshisi Zaınılobıddın Nızomıddınov Saıda Mırzııaevany ujymyna tanystyrǵan.

Azattyqtyń Ózbek qyzmetiniń derekkóziniń aıtýynsha, Saıda Mırzııaeva Ózbekstannyń álem aldyndaǵy ımıdjin kóterý isimen aınalysady jáne memlekettik organdardyń baspasóz qyzmetteriniń jumysyn baqylaıdy.

Bul qyzmetke bir aı buryn kelgen Nargıza Rahımova ıslamdaǵy kóp áıel alý jaıly pikir aıtyp, áleýmettik jelide synǵa ushyraǵan. Keıin onyń eńbek demalysyna ketkeni habarlandy.

Osyǵan deıin prezıdenttiń kishi qyzy Shahnozanyń mektepke deıingi bilim mınıstriniń orynbasary ekeni aıtylǵan. Resmı aqparatqa sáıkes, Shavkat Mırzııaevtiń eki qyzy, bir uly jáne bes nemeresi bar.

Sońǵy jańalyqtar