15 Sáýir, 10:42 317 0 Kólik Dınara MYŃJASARQYZY

Túrkistannan Samarqandqa avtobýs júre bastady

14 sáýirde Túrkistan-Samarqand baǵytyndaǵy halyqaralyq avtobýstyń alǵashqy jolaýshylary Samarqanǵa jetti.

Túrkistan oblysy ákiminiń baspasóz qyzmetiniń málimetinshe, avtobýs kún saıyn keshki saǵat 18:00-de júredi. Jolaýshylardy Túrkistan qalasyndaǵy «Altyn Orda» avtovokzalynan Samartqandaǵy «Samarqand» avtovokzalyna alyp barady. Jolda Shymkent qalasyna, Ózbekstannyń Gúlistan jáne Jyzzaq qalalaryna aıaldaıdy. Jol aqysy – tórt myń teńge. Bılik ókilderiniń aıtýynsha, Túrkistan-Samarqand baǵytyndaǵy avtobýs elge keletin týrıster sanyn arttyrýǵa kómektesýi tıis.

2018 jyly 10 jeltoqsanda Túrkistan-Tashkent baǵytyndaǵy avtobýs júre bastaǵan. Buǵan deıin bılik ókilderi eki el arasynda qatynaıtyn avtobýstar shekaradan kedergisiz ótedi dep málimdegen. Qarashanyń 15-i kúni Shymkentte alǵash ret eki el arasyndaǵy qarym-qatynasty damytýǵa baǵyttalǵan óńiraralyq yntymaqtastyq forýmy ótken.

Sońǵy jańalyqtar