15 Sáýir 2019, 10:13 732 0 Syrtqy saıasat Túrkistan Gazeti

Memleket basshysy Ózbekstanda

15 cáýir – «TÚRKISTAN» weekly. Qazaqstan Respýblıkasynyń Prezıdenti Qasym-Jomart Toqaev memlekettik saparmen Ózbekstan Respýblıkasyna bardy.

Jeksenbi kúni Qazaqstan Prezıdentiniń ushaǵy I.Kárimov atyndaǵy Tashkent halyqaralyq áýejaıyna qondy.

Memleket basshysyn Ózbekstannyń Premer-mınıstri Abdýlla Arıpov, Ózbekstannyń Syrtqy ister mınıstri Abdýlázız Kamılov jáne Tashkent qalasynyń ákimi Djahongır Artykhodjaev kútip aldy.

Aqorda baspasóz qyzmetiniń aqparatyna sáıkes, sapar barysynda eki eldiń Prezıdentteri saýda-ekonomıkalyq, áleýmettik-gýmanıtarlyq jáne kóliktik-tranzıttik yntymaqtastyqtyń ekijaqty ózara is-qımylynyń ózekti máselelerin, sonymen qatar óńirlik jáne halyqaralyq kúntártiptiń basty taqyryptaryn jan-jaqty talqylaıtyn bolady.

Ekijaqty kezdesý barysynda birqatar mańyzdy qujattarǵa qol qoıý da kózdelgen. Munan bólek, Qasym-Jomart Toqaev pen Shavkat Mırzııoev  Ózbekstandaǵy Qazaqstan jylynyń resmı ashylý saltanatyna qatysady.

Sońǵy jańalyqtar