12 Sáýir, 15:24 409 0 Ishki saıasat TURKYSTAN.KZ

Toqaev: Nasıhatqa muqtaj emespin

12 cáýir – «TÚRKISTAN» weekly. Memleket basshysy Qasym-Jomart Toqaev Mańǵystaýǵa sapary barysynda jurtshylyqpen kezdesti.

Basqosýǵa oblystyq máslıhat depýtattary, ardagerler keńesiniń músheleri, úkimettik emes sektorlar men bıznes qoǵamdastyǵynyń, sondaı-aq ǵylymı-pedagogıkalyq zııaly qaýym ókilderi jáne oblys jastary qatysty. Bul týraly Aqordanyń resmı saıty habarlady.

Qasym-Jomart Toqaev óńirge jasaǵan saparynyń mańyzdylyǵyn aıtyp, tarıhtyń asa jaýapty sátterinde mańǵystaýlyqtardyń el basshylyǵyna árdaıym qoldaý kórsetkenin erekshe atap ótti.

Memleket basshysy Qazaqstannyń Tuńǵysh Prezıdenti – Elbasy N.Á.Nazarbaevtyń basshylyǵymen elimizdiń táýelsizdik jyldaryndaǵy qol jetkizgen jetistikterine arnaıy toqtaldy.

«Barshańyz bilesizder, Elbasy tarıhı sheshim qabyldap, Qazaqstan órkendeýdiń jańa satysyna qadam basty. Biz Tuńǵysh Prezıdent aıqyndap bergen strategııalyq maqsat-mindetterdi júzege asyrýdy odan ári jalǵastyra beremiz. Osy jyldar ishinde egemen elimizdiń saıası basqarý júıesinde sabaqtastyq dástúrdi qalyptastyrdyq. Elimizdi odan ári ilgeriletip, damytý – bizdiń aldymyzda turǵan mańyzdy mindet», – dedi Memleket basshysy.

Qazaqstan Prezıdenti konomıka ósimin qamtamasyz etýdiń, jańa jumys oryndaryn ashýdyń, halyqtyń tabysyn arttyryp, turmys sapasyn jaqsartýdyń mańyzdylyǵyn aıtty.

Memleket basshysy kezdesý barysynda: «Aqtaýda meniń sýretim beınelengen 14 bılbord ilinip turǵanyn estidim. Meniń oıymsha, bul – múlde orynsyz, men mundaı nasıhatqa muqtaj emespin. Mundaı ákimshilik yjdahattylyq nemenege kerek?», – dedi.

«Bılbordtardy Elbasy bas bolyp, qol jetkizgen shynaıy jetistikterimizge arnaǵan jón. Men barlyq deńgeıdegi ákimderge osyny tapsyramyn», – dep qatań tapsyrdy Qasym-Jomart Toqaev.

Jıyn sońynda Qazaqstan Respýblıkasy Prezıdentiniń kezekten tys saılaýyn ótkizý jónindegi sheshimin qoldaǵany úshin kezdesýge qatysýshylarǵa alǵys bildirip, barshasyna tabys jáne amandyq tiledi.

Sońǵy jańalyqtar