12 Sáýir 2019, 12:08 671 0 Óner TURKYSTAN.KZ

Gaýhar Álimbekova 40 myń dollardy qaıyrymdylyqqa jumsamaq

12 cáýir – «TÚRKISTAN» weekly.  Alty jylǵa bas bostandyǵynan aıyrylǵan Gaýhar Álimbekova sot zalynan aqtalyp shyqty.

Sot alqasy alaıaqtyq baby boıynsha isti bolǵan ánshiniń apellıaııalyq shaǵymyn qanaǵattandyryp, dálelsiz aıyp taǵýǵa bolmaıtynyn aıtty.

Tipti, sýdıa ánshiniń ózi de jábirlenýshi ekenin jetkizdi. Alaıda, 40 myń dollaryn daýlaǵan aryzdanýshy Baqyt Nazarova BAQ ókilderine bergen suhbatynda mundaı úkimmen kelispeıtinin jetkizgen.

"Álimbekova Gaýhar Serikbaıqyzy QR Qylmystyq kodeksiniń 190-babynyń 4-bóliginiń 2-tarmaǵymen taǵylǵan aıyp boıynsha kinásiz dep tanylsyn. Is-áreketinde qylmys quramynyń bolmaýyna baılanysty aqtalsyn", – dedi Almaty qalalyq sotynyń tóraǵasy Nurǵazy Ábdiqanov.

Gaýhardy qoldaýǵa kelgen qaýymnyń qýanyshynda shek joq. Kúdigi seıilgen ánshi otyrǵan ornynda kóz jasyna erik berdi. Alaıaqtyq babymen aıyptalǵan ánshi qańtar aıynda 6 jylǵa sottalǵan edi.

Jábirlenýshi Baqyt Nazarovanyń aıtýynsha, birneshe jyl buryn jaqyn qurbysy bolǵan starada ókili turǵyn úı kesheninen úı alyp beremin dep, odan 40 myń dollar alypty. Alty jyldan beri úı turmaq aqshasyn qaıtara almaǵan ol sotqa júginedi. Alaıda, Álimbekova qylmystyq istiń sońyna deıin soqyr tıyn almaǵanyn aıtýmen boldy.

"Qysqasy ádildik jeńdi. Birinshi Allanyń arqasynda, Allaǵa degen senimniń arqasynda. Negizinde men de jábirlenýshimin. Osy ýaqytqa deıin aıtpaı keldim. Ol 1 úıden utylsa, men 3 úıden utyldym. Ol 1 jarym jyl boıy úıin jalǵa berip otyrdy", – deıdi ánshi.

Sondaı-aq, atyshýly iste basty aıypqa tartylyp, 6 jyl 8 aıǵa sottalǵan jáne raqymshylyqqa baılanysty jazasy eki ese merzimge qysqarǵan Ferýza Ordabaeva da sot otyrysynda Gaýhardyń kinásizdigin aıtqan.

Jábirlenýshi Baqyt Nazarova búgingi úkimniń ádildigine kúmán keltirdi.

"Men úshin sot ádiletsizdigin taǵy dáleldep otyr. Men kassaııalyq sotqa, tipti Joǵarǵy sotqa deıin baramyn. Kerek bolsa álemdik sotqa shaǵymdanamyn", – deıdi ol.

Al, sot zalynan aqtalyp shyqqan Álimbekova jaqyn kúnderi sahnaǵa qaıta oralyp, qaıyrymdylyq konert bermekshi.

Úkimnen keıin ánshige áriptesteri jınaǵan 40 myń dollar jaıy da nazardan tys qalmady. Sebebi, buǵan deıin advokattar jábirlenýshi bul qarjydan bas tartyp, 80 myń dollar talap etkenin aıtqan edi. Endi kópshilikten jınalǵan jylý qaıyrymdylyq sharaǵa jumsalady eken.

Sońǵy jańalyqtar