11 Sáýir 2019, 17:03 682 0 Bilgenge marjan "Túrkistan" gazetiniń avtorlary

BÁSEKEGE QABILETTILIK INDEKSI – ZAMAN TALABY

Dúnıejúzilik ekonomıkalyq forýmnyń jahandyq básekege qabilettilik ındeksiniń ındıkatorlaryn jaqsartý jóninde jyl saıyn is-sharalar josparlanyp otyrady. 2018-2019 jylǵa arnalǵan «Eńbek naryǵynyń tıimdiligi» faktory boıynsha birqatar júıeli jumystar atqarylýda.

«Jumysshy men jumys berýshi qarym-qatynasyndaǵy áriptestik» ındıkatoryn mamandar problemalyq ındıkator dep baǵamdaıdy. Óıtkeni aǵymdaǵy kórsetkish 68 bolsa, buǵan deıingisi 60 oryn. Áleýmettik áriptestikti kúsheıtýge baılanysty birqatar sharalar qabyldandy. Sonyń biri áleýmettik áriptestikti, áleýmettik jáne eńbek qatynastaryn retteý boıynsha Respýblıkalyq úsh tarapty komıssııa otyrystaryn ótkizý. 2018 jyldyń 11 maýsymynda Qazaqstan Respýblıkasy Premer-Mınıstriniń orynbasary bolyp tabylatyn Áleýmettik áriptestik jáne áleýmettik jáne eńbek qatynastaryn retteý jónindegi Respýblıkalyq úshjaqty komıssııanyń otyrysy ótti. Atalǵan kezdesýde eńbek jaǵdaılaryn qamtamasyz etý máseleleri, 2018-2020 jyldarǵa arnalǵan eńbek daýlaryn aldyn-alý jáne sheshý jónindegi is-sharalar josparynyń jobalary, kásipodaq ortasyndaǵy jaǵdaı jáne basqa da birqatar memlekettik organdarǵa nusqaýlar berilgen máseleler talqylandy.

Kásipodaq qyzmetimen, sondaı-aq halyqaralyq eńbek normalaryn oryndaýmen baılanysty qoǵamdyq qatynastardy quqyqtyq retteý sapasyn arttyrý maqsatynda kásipodaq qyzmeti máseleleri boıynsha zańnamany jetildirý de kún tártibinen túsken emes. Bul baǵytta atqarylyp jatqan jumys ta jeterlik. Jol kartasyn oryndaý barysynda «Qazaqstan Respýblıkasynyń keıbir zańnamalyq aktilerine kásiptik odaqtardyń qyzmeti máseleleri boıynsha ózgerister men tolyqtyrýlar engizý týraly» Zań jobasyn QR Úkimetine engizý josparlanǵan.

Berilgen sharalar sheńberinde kásip-odaqtardyń qyzmetin retteıtin ulttyq zańnamaǵa usynylǵan túzetýler| talqylandy, sonymen qatar, halyqaralyq tájirıbege sholý qarastyryldy. Sonymen qatar, Tujyrymdama men «Qazaqstan Respýblıkasynyń keıbir zańnamalyq aktilerine kásiptik odaqtardyń qyzmeti jáne eńbek qatynastaryn retteý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyn ázirleý boıynsha 2018 jylǵy 16 qarashada jumys tobynyń otyrysynda  zańnamaǵa túzetýler qarastyryldy.

Ótkizilgen sharalar qorytyndysy boıynsha negizgi ustanymmen kelisilgennen keıin zań jobasy daıyndalyp, Qazaqstan Respýblıkasynyń Úkimetine qarastyrylýǵa engiziledi.

«Túrkistan-aqparat»

Sońǵy jańalyqtar