5 Sáýir, 11:36 390 0 Sport TURKYSTAN.KZ

Ziltemirshilerge artylǵan úmit

Qazaqstan Aýyr atlet maıtalmandarynyń álem sportynda alatyn orny erekshe. Osyny eskerse kerek, Qazaqstan Respýblıkasynyń Aýyr atletıka federaııasy jas atletterdi qoldaýǵa baǵyttalǵan «Jas qýat» baǵdarlamasyn bastady.

Atalmysh baǵdarlama Rompetrol kompanııasynyń qoldaýymen júzege asatyn bolady. Joba aıasynda kelesheginen úmit kúttiretin, jasy 20-ǵa deıingi atletter bir jyl boıy arnaıy shákirtaqy alyp otyrady. Budan bólek, «Jas qýat» baǵdarlamasy boıynsha aımaqtyq sporttyq mekemelerdegi aýyr atletıka sekııalaryna jóndeý júrgizilip, materıaldyq-tehnıkalyq baza kúsheıtilmek.

Qazirgi ýaqytta Federaııa keńesiniń bapkerleri shákirtaqydan úmit ete alatyn sportshylardyń iriktelý talabyn ázirlegen. Oǵan sáıkes, mindetti túrde «sport sheberine úmitker» sporttyq dárejesi bolýy kerek. Sonymen birge, dopıngke qatysty daýy bolmaýy tıis.

«Óńirlerdegi jas atletterdi qoldaý ıdeıasy baıaǵydan bar edi. Onyń ústine bıylǵy jyldy Elbasy Nursultan Nazarbaevtyń Jastar jyly dep jarııalaǵany belgili. Biz aımaqtardan úzdik degen 85 atletti tańdap alýdy kózdep otyrmyz. Olardyń bári de federaııadan jyl boıy shákirtaqy alatyn bolady. Bizdiń jastar úshin bul aıtarlyqtaı qoldaý jáne jigerlendirý tetigi bolmaq. Keleshekte shákirtaqy ıegerleri elimizdiń atyn álemge pash eterine senim zor. Jaqynda ǵana Las Vegasta jasóspirimder arasyndaǵy Álem chempıonatynda jarqyraǵan jastarymyz sekildi jas atletterge úmit artamyz», – deıdi Federaııanyń atqarýshy dırektory Aldııar Nuralınov.

Eske sala ketsek, ótken aıda Las-Vegasta aýyr atletıkadan jasóspirimder arasynda ótken Əlem chempıonatynda qazaqstandyq 5 ziltemirshi bes altyn medal alǵan bolatyn.

 

 

Sońǵy jańalyqtar